Айсен Николаев нуӈнинин «Еко республика Арктическай зонан балдыранин»

Айсен Николаев нуӈнинин «Еко республика Арктическай зонан балдыранин»

Елена Голомарева фейсбуктук:

 

Иркин, 2020

 

Эр тырганилду Айсен Николаев, Еко республика бэгинин, Оленекскай эвэды  районду, амтыл дуннэтын  Урэн Хосунду бивэндечэн.  Таду нуӈан «Еко республика Арктическай зонан балдыранин» итыгачан.

 Тар сō ая, тар тырганилду Оленекскай район 85 анӈаничи оран.  Надан анӈанилва эду  Александр Степанович Иванов хавалчан. Нуӈан эӈэси нуӈнимни бичэн. Эду Александр Степанович Иванов сāври бэё. Оленекскай район нуӈанӈин дуннэӈин бихин. Эвэнкил, тадук хуӈтул-да илэл,  эр дуннэду бидерил,  ая денкитычи бихи. Александр Степанович Иванов сома аят хавалчан, кэтэ омакталва дюлва, таткиттылва тадук хуӈтулвэ-да оран. Тарит депутатыл культурнай центр «Илкит» гэрбитэдечэл  —   «Иванов А.С» центр гэрбичи оча.  

  Айсен Николаев нуӈнинми тар тырганилду дукучан бичэн,  Александр Степанович Иванов денкиттын  дярин. Бэгин нуӈаннун со ая гиркил бичэтын.

Оленек аяври…

 

Эвэдыт дукуча Т.Е. Андреева

Написать комментарий

3 × 5 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ