Һындаасскыга балыкчыт Күнэ

Һындаасскыга балыкчыт Күнэ

Ааспыт пятницага мин таптыыр, муң үтүө, төрөөбүт ологум Һындаасскы балыкчыт Күнүн ылбыт. Атын һирдэр онуга олоктор дьонноро эмиэ һаңарыактара, гинилэргэ муң минньигэс балық, муң үтүө онуга көрсүө киһилэр олороллор. Ол көрдүк, биһиги Һындааскыбытыгар бэрт минньигэс балык, ону кайдак да үчүгэй курицаны гытта колообот көрдүккүт. Ол көрдүк, биһиги Һындааскыбытыгар бэрт көрсүө киһилэр олороллор, гинилэр ыалдьыт барытын аһатыактара да чаайдыактара да. Онтон атын, Таймыр атын олокторун гытта колоотокко, биһиги олокпутугар төрөөбүт тыл карысталлыбыт: улакан киһилэр да оголор да төрөөбүт тылларынан кэпсэтэллэр, итинтэн мин үөрэбин.

Мин алтыс кылааспар диэри, Носкуо ускуолатын интернатыгар бара иликпинэн, ньууччалыы кэпсэппэт этим. Өйдүүбүн, Носкуоттан дьиэбитигэр һынньана кэллэппитинэн, «дорообо» һаңа оннутугар «привет» да диэкпин һаатааччы этим, багарбат этим, минигин «куораттан, ньуучча буолан бараан, кэлбит» диэн абардыактарын.

БАЛЫКЧЫТ КҮНҮНЭН, БИИР ҺИРГЭ ОЛОРОР ҺАНЫЫР ДЬОННОРУМ! БЭРТ АКТАБЫН!

 

 

 

 

 

 

Написать комментарий

один + 7 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ