Би нонап хупкучимнэв

Би нонап хупкучимнэв

Платон Афанасьевич Ламутскай горбэвэн эти хар нека торрэн адукун бичээдьин. Нонан нека торэнэн культуран заслуженнай гургэвчимнэн,тысяча уюн няма дыгэн мяр нюнэн аннанидук ССКП членни, тысяча уюн няма нюнэн мяр дер аннанидук СССР дукамнални Союзатан членни бисин. Эрэв аннанив мут чэлэдюр, нока тордун тэгэтти бэил эвен дукамнан Платон афанасьевич Ламутскай няма аннанин дялабданман эскэдип.

 

Чэлэн бэй нонап хупкучимнэлкэн биврэн, таррочин-да би нонап хупкучимнэв Платон Афанасьевич Степанов — Ламутскай бисин.Тысяча уюн няма нюнэн мяр омэн аннаниду нонан муту нулевой классту таккаттин.Таракам тарбачан класс бисин,нулевой, нонап,дерис …Мут нулевой классу мудакчалат тарак класс дахаптин. Кунал чэлэдюр нонап классту татти оритна.Кочукэр куналбу муту нонан дукриду, танниду, хавайду хупкуттэнмэн хо аявникан денчиврарам.Би школала этлэй хоррэ детсдла бивэттив, теми хоя куналбу классту харив, хан дамар кунал домнэдук омчэ бими хэркэни биврэр.Би денчираку омэн кочукэн асаткан уроктук непти переменаду экми амардадун дыкэнидьи илгамгаран, экэнни он-да алтатми туркуврэн, куналнюн эвили гоникэн.тар да бисэклэн муту чэлэвут мут хупкучимнэт Платон Афанасьевич омэтту эвинду, хэбдьэкэдьэкту таккарин.

 

Платон Афанасьевич мут билээктут хоя куналбу хупкуттин, тадук хоял дукамнал,хупкучимнэл,

нян тадук да хонтэ эгден гургэвчимнэл херитэн.Нонан идук –тэ кочукэр куналду дентуралбу аниникан дуккарача, хоя куна аманни,этэн бими бичээдьин. Би,тысяча уюн няма надан мяр туннан аннаниду Якутскай коратту педучилищаду татадникан книжнай магазиндук нонан дер книгаван олукат иттидьи гадани тек дэ тар книгалбу мэн гургэди, библиотекаду хоя кунал, хагдыл- да тангарар.

Себянду тэгэтти бэй чэлэдюр мут хупкучээкэт нонан гэрбэн анибданман хопчаникан , тек да мут хурэлти, нонартан хурэлтэн чэлэдюр балдача торэнур, аявникан, одяникан нонан хотман хиракникан хупкутчир гоникэн эеттэп!

 

 

Надежда Кривошапкина, библиотекарь

Написать комментарий

7 − 5 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ