Эвэды турэн Улама площадьту

Эвэды турэн Улама площадьту

17-20 ирин бегаду минни кутув эмэвтян фестивальла национальнай литературэр Россияни тэгэлду. 

Таду би салдычав эматанылнюн, дивэрилнюн, дяличилнюн дукудярил илэлнюн унгтул Россияни дундэлдук эмэтялвэ. Улама площадьту бу тангдятявун  стихилва маннилди турарди. 
Бу упкат хивиндятявун одёвунди маннил турэнвэр дярин. Он одёдеми, он алавуми, он тэдевканми илэлвэ  садатын балдыдяк туранви?
Дискуссиял, эматаныл концертыл- кэтэ дивэрилвэ, аялвэ, омакталвэ сатяв Москваду, эр фестивальду. 
Эдук дюласки би элэдендетмэр одингам, элэдетмэр  савкандингам илэлвэ эведы туранди, эведы бидэди. 

Со аят бималам Москвакунду! Таду бакалдым омакта гиркилнюн. Эдук дюласки хавамудям, дукумудям, омудям.

 

Валентина ВОЛКОВА

Лучадыт «Илкэн на Красной площади» инетрвьюва таҥкаллу

 

17-20 ирин бегаду нгэнэчэ Фестиваль национальнай литературэр Россияни тэгэл

 

Дукудярил илэл эматаныл дундалдук Россияни тангдятятын маннилди турарди

 

Би толмачитяв А.С.Пушкин стихван » Приметы » эведыт

Приметы

А.С. Пушкин

 

Старайся наблюдать различные приметы.
Пастух и земледел в младенческие леты,
Взглянув на небеса, на западную тень,
Умеют уж предречь и ветр, и ясный день,
И майские дожди, младых полей отраду,
И мразов ранний хлад, опасный винограду.
Так, если лебеди, на лоне тихих вод
Плескаясь вечером, окличут твой приход,
Иль солнце яркое зайдёт в печальны тучи,
Знай, завтра сонных дев разбудит дождь ревучий
Иль бьющий в окна град, а ранний селянин,
Готовясь уж косить высокий злак долин,
Услыша бури шум, не выйдет на работу
И погрузится вновь в ленивую дремоту.

 

Ичэдэл

Перевод на эвенкийский язык Валентины Волковой


Эливкэл ичэттави эматанылва ичэдэлвэ.
Орочён мурченнун илмакта бинэ,
Ичэсми нянгняла, дылача буруптынла,
Савдингатын эдынву, нямнгалтанву одинган.
Сонкан тыгдэлвэда, юмэктэ агласэл урунва.
Ингинвада, унэпты ингинва, нгэлэвсива омакта чукалду.
Туви гагил эчэ игды биси муду
Эптэдеми лунгур, савдингатын эмэдяквэс.
Дылачаву дюсэмэ дыкэндинган мэргэдери туксула.
Сакэл, тыматнэ адерилва илэлвэ сэривдинган игдычи тыгдэ.
Иктэдериву аралди бокта, бэеда тэвэтя унокир,
Тынэвэптыт итыватя нулгистави,
Долдыкса хуннгэ мигдынван эдинган тулиски юра,
Арандуви тэвэдинган энэлденэ. 

 

Эри Евгений Кайпанау, минэмни гирамдали Чукоткадук

 

Эри дискуссия «СМИ-дукудяк эматаныл национальнай дукумнилду

 

Бакалдын дукудярил илэлнюн Нерюнгридук

 

 

 

Написать комментарий

16 − 6 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ