Мургин Республика

Мури нычваморэ Республикак Схах (Якутияк). Ытӆён коӆё нымэйыӈӄин. Авыннымным республикакэн – Якутск.
Якутскак варкын ынкъам ваӈэркын Якутиякэн правительство. Президентаӆьо нитӄин Борисов Егор Афанасьевич. Мургинэт депутатыӆьо нытэйкыӄин майӈываӈэё. Якутияк нынымытваӄэнат нымкыӄин вараттэн. Ыргин варкын чиниткин йиӆйиӆ, вагыргын. Мури кынмаӆ нытумгыӆьэнмури, нэйгуӆенмури, нынымытваморэ.
Мыкычьу чувчеӈрэмкын нынымытваӄэн Чукоткак. Ынӄэн майӈынутэнут. Майӈынымным Анадырь – ӄырымэн нымэйыӈӄин чама коӆё нытаӈпэраӄэн. Анадырык варкын многопрофильный колледж ынкъам филиал СВФУ нынныӆьын М.К.Аммосова. 

Жанна Дьячковская,

Ассоциация Лыораветланов (чукчей) Якутии