Орвыԓьыт мобильныек приложенияк

Орвыԓьыт мобильныек приложенияк

Орвыԓьэн йиԓииԓ гаймаӊэн нэрэйгуԓенӊын мобильныек приложенияк

 

Винрэтэ Президентакэн фондата культуракэн  инициативата Якутияк нынтомгавӄэн мобильнакэн приложеният «Айӊанаӊкоргыбукварь» орвыԓьыйиԓе.

 

Гапыӊыԓтэԓԓен корреспондентагты «Илкэн» энантомгавыԓьын проектаԓьын Анастасия Курилова «Айӊанаӊкоргыбукварь» чимгъуу гэԓгыԓин еп 1991 гииӊитык. Ымыԓьо ӊирэӄӄԓиккин стихыт букварьгыпы нананагты тэкэԓиӊыԓьын Николай Куриловынэн «Чэнчэ букварь» (Коргыбукварь) гэнтипъэйӊэвԓин ынык ытԓьата Анастасияна Афанасьевнана – Екатеринана Ивановнына Тымкыԓ (Курилова) ыргынан ԓыги нэԓгыгъан орвыԓьэн йиԓииԓ, тэԓеӊкин вагыргын.

 

Каԓеёт чымчекинэкинэт архиват гэгичиԓин еп ӊыроӄ ӄԓиккин мынгыткэн гииӊитык.

 

Торымгок 2019 гииӊитык каԓеткорастудияк Нерюнграк гантомгавԓен аудиокаԓейпатгыргын орвыԓьэн айӊанаӊбукварэты. Энантомгавыԓьу гитԓинэт кэԓиткуԓьыт гиуԓетыԓьыт ынӊэн каԓеткорак, ыргынан нанымӊыԓявын стихыт букварьгыпы Николаен Куриловын грэп-ым яанэн Екатерина Ивановна Тымкыԓына. Ынӄэната мобильныйкэн приложеният вагъэ рымагтэты рыԓяё майӊымультимедийнакэн проект Анастасиянэн Куриловынэн.

 

Мобильнакэн приложения гаймаӊэн ратваа базовакэн инэныйгуԓевыԓьу орвыԓьыйиԓык.

 

 

Ԓыги ԓыӊыԓьыт чиниткин йиԓииԓ чама духовнакэн культура амӄынгииӊитык оравэтԓьат нытэԓпыӄинэт. Вэтгавыԓьыт чинитйиԓе орвыԓьыт пэԓятгъат  ӄԓиккин пароԓ оравэтԓьат. Типъэйӊэԓьыт-ым аръаԓя тъэркин нъэԓгъи. Ынӄэната рытомгавъё проект, инэныйгуԓевык игыткинэт креативнакэн технологият рэмкэнӊыт равэтгавыӊӊоӊыт чинитйиԓе чама ратэпъайӊаӊоӊыт – иквъи Анастасия Курилова.

 

Ирина Курилова

Кэԓинин Равтыӈана

Написать комментарий

5 × 5 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ