Гатваԓен ӄорэмтэйиԓыкин онлайн-урок, мынгытӄэв чьачанԓьоргык 2022 гииӈитык

Гатваԓен ӄорэмтэйиԓыкин онлайн-урок, мынгытӄэв чьачанԓьоргык 2022 гииӈитык

Ӈирэӄэв классык СОШ №26 городык Якутскак чинитйиԓыкин Декадак вараткэн Якутиякэнат.

Ӄорэмтэԓьэн класс СОШ №26 гантомгавԓен ынӈэнкаԓеткората чама ӄорэмтэԓьэн Ассоциацията Якутиякэн, винрэтгъэт ырыкы администрация городкэн Якутскакэн эйӈэйъэԓгык 2020 гииӈитык.

 

Министерствота образованията РС (Я) нэйыԓгъэн учебныкэн пособият, ӈирэӄ гииӈит гиуԓетыԓьыт ныяаӄэн учебник «Эвэды турэн 2 класс», энантомгавыԓьын Ф.М. Леханова, М.М.Кулешова.  Инэныйгуԓевыԓьын ӄорэмтэйиԓе Петухова Валерия Великтоновна нинэныйгуԓевӄин книгата «Эвэди турэн» ӈирэӄ час неделяк, литературнакэн рыԓгыгыргын «Литературнай таҥивун» — ыннэн час.

 

Ӈотэнъыԓё темано онлай-урока гатваԓен «Предметыл признакилватын ичэвкэндерил турэр» (Слова, обозначающие признак предмета).

 

Инэныйгуԓевыԓьа напаԓёмтэԓын инэныйгуԓевыԓьын, нарыԓгыгъан чама  нэйиԓыԓьэтын пыӈыԓ «Делэки» эмчьачокаԓгын, танԓыӈыткогъат пынԓёгты инэныйгуԓевыԓьэты, нэныйгуԓевынэт торсловообразованият.

 

Нэнэнэт гэчевкы гатваԓенат, напаԓёмтэԓын инэныйгуԓевыԓьын.

 

Урок пԓыткук инэныйгуԓевыԓьэ вэтгаво нэԓгыгъан гаԓяԓьын урок, ымы ӄутти ӄорэмтэԓьыт Ассоциацияйпы  РС (Я): коԓё мэчынкы нинэныйгуԓевӄин инэныйгуԓевыԓьэ, чама нивын миӈкри ӄун таӈвэтгавык чинитйиԓе нэнэнэрык. 

 

Урок гаԓяэ продуктивнано, кэԓиткуԓьыт нычичевӄинэт вэтгавма.  Ымыԓьо кэԓиткуԓьыт, ымы инэныйгуԓевыԓьыт гатваԓенат таӈпэраӄорэмтээвиръэ.

 

Чит эйгуԓеткыԓьинэт вэтгавык чинитйиԓе нэнэнэт, гаԓямэԓ ӈирэӄ гииӈит начечавыӈон вэтгав, гиуԓетгъат энарыԓгатык, йиԓыԓьэтык ӄорэмтэйиԓе. Нивӄинэт ымы гаймаӈэн пԓыткук каԓеткоран гиуԓетыԓьыт равэтгавыӈоӈыт чинитйиԓе. Рэӄуԓымӈагыргын каԓеткоракэн администрация, общественнокэн КМНС чама ытԓыгыт, ытԓьат ынкъам ыргинэт нэнэнэт рэгъюуԓенӈыԓьыт.

Анастасия Куличкина, член правлениякэн ӄорэмтэԓьэн Ассоциациякэн,

ведущийкэн методист традиционныйкэн культуракэн КМНС,

томгыльатвараткэн яраӈы нынныԓьын А.Е.Кулаковскакэн

 

Кэԓинин: Равтыӈана

Написать комментарий

двадцать + девятнадцать =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ