Миибэн община с'ездэпки иисьэд амун киндьэгэ оотэй

Миибэн община с'ездэпки иисьэд амун киндьэгэ оотэй

Редакцияӈин киэсь мит газета кэнмэги Анатолий Лебедев, тудэл лэбиэн традиционный природопользованиегэн, общинэпул уйлоолпэгэн, национальный наслегпэгэн ниӈго шурэлэшнумбэдэк.

Идьии тудэл  исполняющий обязанности  председателя совета миибэн Союз общинэпул КМНС РС(Я)  уйлэ уйсь.

Муддэйл с'ездкэ Дьулустан Сидоровкэлэ председательӈон аальэлӈа, идьии тудэл Алданский районгэ Беллетский национальный наслегкэ чомоолбэнӈон уйсь.

 

Тиӈ подьорхого Анатолий Захарович пундумлэбэдэк,  ходо Йалмэштэ миибэн Союз Якутия общинэгэ  с'ездэпки оотэй.

 

Тамун 24-26 иисьэдамун киндьэгэ г.Якутскэйгэ оотэй.

Таӈ организациягэ уйт, титтэл помнэйбэн столэк аальэӈна таат миибэн общинэпул уйлоопэгэн семинарпэлэк аальэлӈа,типовой документэплэк аальэлӈа илльэ организацияпӈин государсвенный регистрацийэк аадин.

 

 

Анатолий Лебедев мони, титтэл чомоодьэ уйлгэлэ аальэлӈа  власть органэпки титтэньэ уйлаагэн монут, тамунгэт идьии  общинэн Союз представительпэги министествэгэ, ведомтствэгэ общественный советпэги составкэпкэ льэӈи, таат титтэл  аай межведомственный комиссиягэ участникпэ оот льэӈи.

 

 Таӈ Союз Активпэпки  уйнут льэнуӈи таа, хэдуӈгэ мэдиинуӈа коренной омнипэн традиционный хозяйственный уйилпэгэн законпэ ходо йэнбэнӈон аадин.

 

Идьии өнмэлэ эйрэшнуӈа таатмиэй законпэгэн: «Общинапкэн», » Сельский хозяйствэгэн» таат » Нумэн аасьэпул аасьэн мойлуолгэн».

 

 

Таӈ организацияпул омосьоодэк ааӈилэ, тамун возмещенийэк охотсоглашенниегэн. Тамунгэт общинэпкэ чоммодьэ средствэпул льэӈитэй, материалный базагэлэ, омось льэт, чоммушӈитэм. Тамунгэн, Анатолий Захарович Елене Голомаревой чомоҕото пасьибэладайнум, тудэл чуму йоулэсьумбэткэлэ мойнум таат чуму уравнепкэ чаӈдэ пайаайнум.

 

Таат, миибэн общинэн Союз руководительпэги МинАрктикаӈин пасьиибэладайнум, тудэл миибэн общинапкэлэ йу8нуннум. Ньмолҕилгэн общинэпул  материально-технический базэгэлэ пайаайдин таат культурный мероприятиегэлэ аадин, тамунпэӈин наар мэйнуӈа таӈ субсидиягэлэ.

 

» Тамун льэт, министерство руководствэпки чуму лэйтэсьоолпэгэн КМНС представительпэӈин хамиэнуннум, тамунгэт ниӈгэй лэйтэсьоолпэгэлэ чуө решайльэлӈа. Мит айаайиили программэпӈин  » Миидол шоромоньулпэ» таат  » Оӈоодьэ аасьэ йуөнулбэн», аасьэмойлуолгэ  илльэ уйсьоонпэ кэлут ооӈитэй.

 

Мит республика село шоромопӈин ниӈгэйбэдэк аанумлэ , омось модоӈигэн монут. Тиӈ опытэк федеральный уровеньгэ аай льэгэн,» — мони Анатолий Лебедев.

 

 

«Уйоодэ, лэйтэсьуулпэ аай ниӈгэт льэӈи. Тамун  промышленникпэньэ ньэанньоол, мит охотникпэ, анил иксьиисьэ шоромопул правпэпки чаӈ нуннол.

 

Чуму мэдиильэлӈа чомоодьэ айдангэлэ вадун старейшинагэт Бегуновкэт, тамун, таӈ айдан, омосьоодэ чэмиэсь.

Идьии аай чумут мэдииӈа ходо Пахомов охотниккэлэ уушэӈа, тудэл Президент Путинӈин насьаадайльэлум.

Таатмиэдьэ лэйтэсьоолпэ эгэтэсьтин наадоӈой тиӈ идьии льэтэл с'ездкэ.»

 

Йуөӈик,  учредительный   миибэн Союз общинэн  с'ездки Республика Саха(Якутия) 15 иисьэдамун киндьэгэ 2012 ньэмолҕилгэ  Якутскэйгэ оодьоодэк. Таӈнуги Александр Григорьевкэлэ руководительӈон аальэлӈа. Атахлэштэ с'ездэк 10 иисьэдамун киндьэгэ 2017 ньэмолҕилгэ, Председательӈон Дьулустан Сидоровкэлэ аальэлӈа.

 

2012 ньмолҕилгэн миидоодьэ миибэн общинэпул иркин Союзкэ

чумут льэльэлӈи. Таӈ Союз руководительпэги оодьоодэк Елена Поликарповна Тимофеева. Таат льэт, таӈ Союзкэ атахун с'ездпэлэк льэт льэльэлӈи. Союз перерегистрацияги  аадин нигийоодэгэ, илльэ организацийэк аальэлӈа, с'ездкэлэ учредительный монут ньуутэшӈа.

 

Цифрэк:

Иркиштэ с'ездэк 1992 ньэмолҕилгэ 18 общинэпкэлэ ниӈин шахальэштэллэ аальэлум.

Минюст данныйпэгэн Якутиега 206 общинапул регистрациягэ льэт льэльэлӈи.

20 йукуо кусьэ киндьэгэ 2000 ньэмолҕилгэ Федеральный законэк » Об общих принципах организации общин коренных малочисленных народов Севера, Сибири и Дальнего Востока Российской Федерации» N 104-ФЗ  аальэлӈа.

 

Адрей ИСАКОВ

Фото Второго с'езда Союза родовых общин, 10 марта 2017 года.

 

Одул титэ шурэльэшльэлум Демина Л.Н.

Написать комментарий

восемнадцать − 10 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ