Ратваа льоргықаек омакатгыргын амройыръыкэн общинат Якутияк

Ратваа льоргықаек омакатгыргын амройыръыкэн общинат Якутияк

Рэмкыльын гэетлин редакциягты энантомгавыльын пыңылтэльэн миңкри нынымытвақэнат, нынотаяақэнат общинат, национальныйкэнат наслегыт Анатолий Лебедев.
Игыр ытлён виин ваңэльын председательо советкэн Союза амройыръыкэн общинат КМНС РС (Я). Галяльын съездак председательо гэнтылин Дьулустан Сидоров, игыр — ым ытлён эрмэну нитқин Беллетскак национальныйкэн наслегак Алданскакэн районык. Ңотэнъылё Анатолий Захаровичына пыңылтэлнэн, нытэнмавқэнат ңыроқав съездагты Союза амройыръыкэн общинат КМНС Якутиякэн.

Омакатгыргын рамгъогъа қликкин ңыроқав ылёк, қликкин ыннанмытлыңтагнэты льоргықаек городык Якутскак. Ваңэма организацияк румэкэнңыт ковлёкы вальык ыттолык ынкъам семинарык, миңкы нываңэқэнат амройыръыкэнат общинат, гантомгавлен типовыет документат государственнакэн регистрацияг ты.

 

Майңытылягыргын ыттъыёлягты Анатолий Лебедев нивқин таңвэтгав чимгъувгит органкэн властяк  рээн : представительат Союза общинакэн гэнумэкэвлин общественнакэн совет министерствак ынкъам ведомствак, гатвата участникыльо межведомстеннык комиссияк.

 

Актив Союзык нывинрэтқин алва нъалгыргыт законыт эйгысқывараткэн вагыргыкэн. Игыр — ым вэгаво гэлгылин закон, » О сельском хозяйстве» ынкъам «Эйгысқыкин яракэн қорагынрэтгыргын». Нытэңқин опыто организацияк гантомгавлен республикак возмещения охотсоглашеният. Общинарыкы ынқэн майңыкэлитъулти, высвобожденияк гаймаңэн нарангаймычьавңынат чиниткинэт общинат, ынкъам нэрэнымкэвңынэт материально —  техническакэн база.
Ңотэнпынлёк Анатолий Захаровичына нинэнрэқулымңэвқин Елена Голомарева, ынан нэнакоординироватқэн ынқэн процесс ынкъам вэтгаво нинэлгықин ямга эрмэрык рээн.

Ымы нэмықэй эрым Союзык амройыръыкэнат общинат гэнрэқулымңэвлин МинАрктик, ынан нэнакурироватқэн нымытвагыргын амройыръыкэнат общинат. Эмқынгииңитык общинарыкы нэймитқин субсидият таңвагыргыно материально — техническакэн базагты, тайкынго культурнакэн мероприятият.

 

«Эрмэтэ министерствота ныйилюқинэт представителтэ КМНС ынқэната мыкың пынлёт гэтэңчимгъувлинэт.
Моргынан коргаво нинэлгымури программат «Ялгытыльын ройыръын» чама «Торқорагынрэтыльын» ынқаната раваңэңоңыт тороравэтльат қорагынритыльу Мургин республиката вэймэну нинэлгықин нымытвальыт нымнымык рэмкыт. 

Ивкэ ынқэн опыт ыняагъан федеральныек уровняк»- иквъи Анатолий Лебедев.

«Қэлёқ — ым, пынлёт, вэтгав колё нымкықин. Ынқэн ымы взаимодействият промышленникыт рээн, чама вэрэңгыргын прават гынниңңыттыльин, ынныңңыттыльин. Ымыльорык лыги орвыльын ынпъоравэтльан Бегунов, Усть — Янскакэн қорагынрэтыльыт, ымыльоргарэ нэйилюнэт.

Игыр вэтгаво нылгықин гынниңңыттыльын Пахомов, ытлён гэқъэйилетлин Президентагты Путинына. Ынңин вальын вагыргын вэтгаво нэрэлгыңын съездак «.

Мынынкэтъоңат, иңқун учредительныйкэн съезд Союза амройыръыкэн общинат Республикакэн Саха (Якутия) гатвален мынгыткэн мытлыңқавык льоргықаек 2012 гииңитык Якутскак. Ынкы эрмэну гэньэтлин Александр Григорьев.

 

Ңирэқэв съезд гатвален мынгытқав льоргықаек 2017 гииңитык.
Председательо гэнъэтлин Дьулустана Сидорова.
2012 гээңэтагнэты ялгытыльыт амройыръыкэнат общинат гэнумэкэвлинэт Союзэты. Союзкэн эрмэну гитлин Елена Поликарповна Тимофеева. Союз ялгытыльыт амройыръыкэнат общинат Якутиякэн ытлён армано вама гэтэйкылин ңирэқ съезд. Лывавык перерегистрацияк Союзык, гантомгавлен торорганизация, ынқэната съезд гэтэнынныңлин учредительнальо.

 

Цифрат:

Ыттъыёл съездак 1992 гииңитык рычеэкэвнин мынгыткэн амңырооткэн общинат.
Данныйкэн Минюстата Якутияк гарегистрироватлен мынгытқликкин ыннанмытлыңэн общинат.
Қликкин июлык 2000 гииңитык гантомгавлен закон «Об общих принципах  организации общин коренных малочисленных народов Севера, Сибири и Дальнего Востока Российской Федерации»
N 104 — ФЗ.

 

Андрей Исаков
Виилигтын Ңирэқав съездакэн Союзкэн амройыръыкэнат общинат, мынгытқав льоргықайкин 2017 гииңиткин

Рыйилыльэвнин Равтыңана

 

#ЧукотcкийЯзык #ӅыгъоравэтльэнЙиӆиил #IndigenousLanguages #ChukchiLanguage

Написать комментарий

пятнадцать − шесть =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ