Якутияк нэрэвинрэнңынэт корагынрэтыльырыкы ыннэн млрд кэлитьул

Якутияк вэнратгырго 2022 гииңитык нэрэнымкэвңын қликкин қонъачыңкэты процентата, иквъи замминистра сельскакэн хозяйства РС(Я) Прокопий Николаев мынгыткэн қонъачыңқэв чьачанльоргык льолгыма отчётык органык исполнительнакэн властяк, иквъэт пресс-службак минсельхозык. Ымыльэты госпрограммата развития сельскакэн хозяйствак винрэту ынкъам рымкэву қорагынрэтыльырыкы 2022 гииңитык нэрэвинрэнңынэт ыннэн млрд 045 млн кэлитьул, ынқэн мынгытқликкин қликкин мынгыткэн ңэръамытлыңэн парол мыкың, 2021 гээңэтгыпы.

Ымыльэты субвенций рынрыёлқыл поголовъят нэнымкэвын мытлыңқликкин ңирэқ қликкин ыннэн млн кэлитьул ынкъам ратваа 928,9 млн кэлитьул материально-техническакэн обновленияльо производственнакэн объектат нэрэйылңын 78,6 млн кэлитьул, тайын года роолқыл қоратакэсгыпы-мыгыткэн амңырооткэн млн кэлитьул, нэрэнвиливэнңын сверхремонтакэн молодняк қаат-қликкин млн кэлитьул.

,,Государственнакэн вэнратгыргын ратваа субсидията микынэ эвыр равнанңынэн (заявительнакэн характер).
Субсидия яаёлқыл қорагынрэтгыргык предусмотреннык переданнык полномочий, юнрыгыргын нэрэтэйкыңын чиниткин орган местного самоуправленията. Қутти — ым условият ынкъам требованият йыльёлқылтэ субсидият нэрэкэлиңынэт официальный сайтак министерствак.

Результатыт нэривңынэт гыройъэлгык ңотэнгииңитык «- иквъи замминистр сельскакэн хозяйствакэн.

Пыңылтэлгъэ Прокопий Николаев, иңқун қорагынрэтгырго нываңэқэнат республикак қликкин муниципальныйкэн районтэ.

Қорагынрэтыльы районтэ республикакэн нытэйвыңқинэт ңыроқ группагты.
Ыннэнқэв районтэ ынқэнат Қорагынрэтыльыт Анабарскакэн, Алданскакэн, Нижнеколымскакэн, Оймяконскакэн, Момскакэн, Эвено-Бытантайскакэн, Олекминскакэн ынкъам Усть-Янскакэн ынңэн рэмкыт пэнин қаальыт.
Ңирэқэв группагты гэтэйкылин районтэ — Булунскакэн, Жиганскакэн, Нерюнгринскакэн, Оленёкскакэн, Кобяйскакэн ынкъам Томпонскакэн. Ынкы нырэнымкэвңын қаат рэмкэнңыт қорагынрэтыльыт, рэмкыт таңың ранымытваңңоңыт.
Ңыроқэв группак ынқэнат — Абыйскакэн, Аллаихакэн, Верхнеколымскакэн, Верхоянскакэн, Среднеколымскакэн, Усть-Янскакэн районтэ.

Ынкэкин қорагынрэтгыргын нарасохранинңын, қынур основат укладык вагыргык КМНС.
Ынкэнқэв ынпылювлек 2022 гииңитык ымыльэты қорагынрэтгыргын гатвален 162,1 тысяч қаат, мыкың нъэлгъи 2020 гээңэтгыпы ңыроқ процентагты.

Размер Государственнакэн поддержки содержаниягты ыннэн қораңы нъопределятқэн ымыльэты ңалвыльэпы-стандартакэн ынкъам астандартакыльэн. Ставка стандартакэн ңэлвыл 2022 гииңитык мыкатгыргэты ңэлвыл эллықыкин зонак 4995, 50 кэлитьул, утчыку — эллықыкин зонак — 5, 545,01 кэлитьул, ңэй-утчыкукин зонак — 6, 693,97 кэлитьул, утчыкукин зонак — 8 242, 58 кэлитьул, астандартакыльэн ңалвыльэты — 4 246,18 кэлитьул.

Источник: ИА SаkhaNеws

Фото: ЯСИА, SаkhaNеws

Кэлинин Равтыңана

#ЧукотcкийЯзык #ӅыгъоравэтльэнЙиӆиил #IndigenousLanguages #ChukchiLanguage