739 Эйгысқырэмкэ гэкэлилин Этнодиктант-2022

739 Эйгысқырэмкэ гэкэлилин Этнодиктант-2022

Организаторыкы образовательно — просветительнакэн акции «Ңыроқав этнодиктант ямга вараткэн Эйгысқыкин, Сибирык ынкъам Дальний Востокэн Российскакэн Федерациякэн» гэкэлилин чиниткин сайтак миңкэмил галяэ мероприятия.

 

Ңотэн гииңитык этнодиктант гэкэлилин қликкин мытлыңқав йиле, ымы диалектат чама говортэ. Ымыльэты мынгыткэн амңыроотқэв регионтэ Россиякэн, зарегистрироватленат ңырақ иностраныйкэн государствайпы.

Тыңымыльэты рэмкыт гэкэлилин диктант — 739 оравэтльат.

 

 

«Ассоциацията нэнрэқулымңэвынэт ымыльо рэмкыт, янра рырэқулымңэвъё лекторат, региональныйтэ координаторат чама мургинэт партнёры, винрэтыльыт мероприятияк.

Рэқулымңэтури ваңэльыторэ, тургин энтузиазм мургин акция нынныльын Ымвараткэн ылёңэт чиниткин йилыкин гагалялен тэвмэчынкы. Мури ымыльоморэ нэнчеэкэвмык чинитвараткэн йиле» — нэнарылгыморэ сайтак всеросийскийкэн организацияк чиниткин нутэк нымытвальыт вараткэн.

 

 

Ңыроқав майңымасштабныйкэн акция, нэтэйкыан эгидойгыпы АКМНСС и ДВ РФ.

Ынқэната рэмкын мыкэтгъи эмқынгииңитык. Ыттъыёлқав регионык этнодиктантат гэтэйкылин этническийтэ чама региональныкэн организацият Эйгысқывараттэ.

 

Аят Сатаров
Виилигтын: официальныйкэн страницак RAIPON в VK

Рыйилыльэвнин Равтыңана

 

Ңотқэн пыңыл танңыйиле қырылгыгыткы ңутку

 

#ЧукотcкийЯзык #ӅыгъоравэтльэнЙиӆиил #IndigenousLanguages #ChukchiLanguage

Написать комментарий

1 × четыре =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ