Пыңылтэ. Миңкэмил нытвайгыт Эйгысқын?

2022 гииңитык гэнчьимгувлин Генеральный Ассамблеек ООН чама гантомгавлен Ымвараткэн мынгытгииңит варатйилиил, Россияк — ым — гииңит культуракэн наследия ямга вараткэн. Ынкэмил, кытур Российскакэн Федерация нитқин председательо Арктическакэн Совет.
 Игыр рымавтэты пыңыл, миңкэмил нынымытвақэнат Эйгысқырэмкыт, амгэчевкы рылго ңотқэн пыңылтэ.
 Нымкықин пыңылти рэльуңыткы  порталык «Илкэн» сайтак Ассоциацияк КМНС Якутияк чама ГАУ РС (Я) «Сахапечать»

ЫМВАРАТКЭН КОНГРЕСС ҚОРАГЫНРЭТЛЬЭН ЮГРАК

Омакатгыргын ратваа Ханты — Мансийскак ңыроқав ылёк рамгогъа қонъачыңкавнэты льоргықаек 2022 гииңитык.
 Конгресс нытвақэн эмқунэче ңырақ гииңит галяк ынкъам нинэнумэкэвқин қорагынрэтыльыт Эйгысқывараткэн стран, пэнинэмил рытык Эйгысқыкин вагыргын. Россияк қорагынрэтыльо нываңэқэнат чинитнутэк нымытвальыт вараттэ қликкин қонъачыңкэн парол регионыт. Ынқаната Российскакэн делегация ынанмыкың ратваңыт.
 Ынанмайңычьын роль майңатотрасляк Ассоциацияк қорагынрэтыльыт Ымвараткэн ынқэн рытомгаквыргын, рычеэкэвъё қорагынрэтыльыт вараттэ.
 Ымыльорыкы етыльыт конгрессеты гантэнмавлен гэчевкы вальын деловая, культурныйкэн чама қыръачеткэн программа.

ВЭНРАТГЫРГЫН ЯЛГЫТРОЙЫРЫКЫ ҚОРАГЫНРЭТЫЛЬЫРЫКЫ

Гумэкэтлинэт ковлекы вальык ыттолык, миңкы вэтгаво гэлгылин ялгытыльыт ройыръыт чама қорагынрэтыльыт гаминистерствота, вараткэн депутатыт Ил Тумэнльэт, научный организацият, лыгъоравэтльат АО, калеткорат Нижнеколымскакэн ынкъам Кобяйскийкэн районтэ.
 Елена Хлыновская — Рокхилл Кембриджакэн университеткэнгыпы гапыңылтэллен законодательныкэн вэрэңгыргын ялгытыльыт ройыръыт, за рубежом, чама Россиякэн.
 Якутскакэн парламентарията нанкэтъоңатын, иңқун 2016 гииңитык Госсобранията (Ил Тумэн) РС (Я) гантомгавлен закон «Ялгытыльыт ройыръыт», гантомгавлен статус ынкъам государственныйкэн вэнратгыргын социальныйкэн института чинит нутэкин нымытвальыт этносыт Якутиякэн.
 Ялгытыльыт ройыръыт — ройыръыт қорагынрэтыльыт, нымытвальыт гақаама, ялгытыльыт эллықык, утчыку ыяа авыннымгыпы. Ытри ивкэ винрэтык эрмэт, 
Эвыр  ръэнут ңъочё нылгықин.
 Омаканма ыргисгу гавэтгавленат исследователтэ, қорагынрэтыльыт чама эрмэт министерствакэнат. Вэты вэтгаво гэлгылин реестр ялгытыльэн ройыръын, вэнратгыргын ынкъам эффективность.

ЧИНИТВАРАТКЭН ЙИЛИИЛ НЫТОМГАТҚЭН РОЙЫРЪЫК

 Гэулятгыргын нэнэнэтэ чиниткин йилиил, ыныйгулевыркын ройыръык. Эвыр ройыръык нывэтгавқэнат танңыйиле, ынкэңит калеткорак ралвавңыт чинитвараткэн йиле нымэльэв вэтгавык. Ынңин гивлин зампред правительствакэн Якутиякэн Сергей Местников, титэ гавэтгавлен эфирык отчетма органтэ государственнакэн эрмэт нымытвальырыкы.
Приоритето пэнинэмилю рытык томгаттыляно чинитвараткэн йилиил чама литература нарарыйгулявыңңоңын научный подхода, гиулятынво екутыльыйилиил, чама йилиил чинитнутэкин нымытвальэн Эйгысқырэмкэ ынкъам Сибири.
 «Моргынан чимгъуу нинэлгымури иңқун ңирэқ гииңит галяк, гаймаңэн калеткорат мытрэнымкэвңынэт книгата. Эвытлым мытрэтэйкыңын цифровые технологият гэулятынво ямга Эйгысқывараткэн йилиил, Эвытлым телевиденияеквэ ынкъам интернетеквэ пространствак»- иквъи Сергей Местников.
 Чама вэтгаво тараңгыргын калеткорат Якутскак, республикак, ытлён гивлин
Торкалеткорак ратваңыт классыт рыйгулявынго саха йилиил, ынкъам Эйгысқырэмкин этносыт. Ымыльо ынқэн рэвинрэтгъэ пэнинэльу рытчык ямга рэмкин йилиил чама — ым популяризацияно рытчык духовныет ценностят ройыръыкэн.

Валентин ХОНУ
Рыйилыльэвнин Равтыңана