ФЕДЕРАЛЬНЫЙКЭН ЗАКОН «ЯРАКЭН ЭЙГЫСҚЫҚОРАГЫНРЭТГЫРГЫН» ГАЙМАҢЭН НАРАНТОМГАВҢЫН ҢОТЭН ГИИҢИТЫК

ФЕДЕРАЛЬНЫЙКЭН ЗАКОН «ЯРАКЭН ЭЙГЫСҚЫҚОРАГЫНРЭТГЫРГЫН» ГАЙМАҢЭН НАРАНТОМГАВҢЫН ҢОТЭН ГИИҢИТЫК

Мури энмэс мытпыңылтэлмык иңқун қорагынрэтыльыт гумэкэтлинэт конгрессэты Ханты — Мансийскак.
Ңэръамытлыңқав ымвараткэн конгресс қорагынрэтыльэн, галягъэ эгидойгыпы ымвараткэн Ассоциации «Қорагынрэтыльыт мира» столицак Юграк, гэплыткулин амңыроотқав льоргықаек. Ынкы гумэкэтлинэт мытлыңқликкин делегатыт, мынгыткэн ңэръамытлыңэн регионгыпы Россияйпы ынкъам Монголыльыт.

 

Омаканма конгрессык қаагынрэтыльыт гапыңылтэленат  миңкри нынымытвақэнат, нываңэқэнат чинит регионык, гақръачетленат, ганкалыровлен мастер — класстэ, гапыңылтэленат чама нанкалыровын чинитвараткэн роолқыл.

 

Амалваң вальыт рекомендацият плыткоңңокэн ат комакат гантомгавленат мероприятиякэнат, ыттъыёлягты таңвагырго қаагынрэтыльэн, предложеният делегатльэн нэрэнпириңэнңын федеральный уровняк закон «Яракэн Эйгысқықорагынрэтгыргэн».

Закон энмэс гэнпириңэтлин обсужденияно Государственныйкэн Думагты иңқун ыттъыёлягты нымкээркынэт, нытаңытваркынат Эйгысқықорагынрэтгыргын.

 

Ассоциация «Қорагынрэтыльыт ымвараткэн» нинэнумэкэвқинэт қликкин қонъачыңкэн регионтэ, мынгыткэн странгыпы. Игыр инэнлельу нитқин Сергей Харючи. Мытынкэтъоңатыркын, ыттъыёл  международныйкэн организацияк инэнлельу гатвален Михаил Погодаев. Қоле конгресс ратваа Монголияк.

 

Аят САТАРОВ

РЫЙИЛЫЛЬЭВНИН РАВТЫҢАНА

Вилыгтыльин  пресс-службакэн губернаторкин ЯНАО

 

Ңотқэн пыңыл танңыйиле қырылгыгыткы ңутку

Написать комментарий

четыре × один =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ