Ассоциацията КМНС Якутиякэн нантомгавын план ваңэкэн 2022 гээңэтэты

Ассоциацията КМНС Якутиякэн нантомгавын план ваңэкэн 2022 гээңэтэты

Эйгысқывараткэн ярак мынгыткэн ыннэнкав льоргықаек гатвален омакатгыргын Координационнакэн Советкэн АКМНС РС(Я) гавидеоконференцсвязык.

Членыт Советкэн миңкри вальыт мероприятият, чама вэтгаво гэлгылин ваңэёт льоргықайкин — гыройъэлгыкэн 2022 гииңиткин.

 

Ңотқэн гииңит Ассоциацияк ратваа эгидойгыпы мытлыңқликкин гииңиткин, рытомгавъё Якутиякэн АССР ынкъам ңырақ қликкин мытлыңкэн гииңит ученыйкэн, доктора филологическакэн наукакэн, государственныйкэн чама общественно кэн деятель Василия Афанасьевичын Роббекэн. Ынкэмил ңотэн гииңитык ратваңыт мероприятият Мынгыткэн гииңиткин чинитнутэк нымытвальэн вараттэ мира, гаынпыоравэтльама, гаңэнъянвыма, гакэлиткульыма.

Мынгыткэн қонъачыңқав льоргықаек Якутскак площадык Орджоникидзак ратваа торжественнакэн тыллёпгыргын ылёңэт Арктикакэн, официальный ныйгыйивқин Якутияк 2015 гээңэтгыпы: рэпутурэңыт, рэтипъэйңэңыт коллективат, артистат, рақыръаченңыт ратваа конкурс гролмыпоторагыргын Эйгысқывараткэн, ярмарка — вэлевгыргын сельхозпродукцият.

Министерство томгаттылякэн Арктикакэн ынкъам развитие Эйгысқывараткэн румэкэвңыт ковлекы вальык ыттолык, вэтгаво нэрэлгыңын рытомгаквыргын факторият Эйгысқыкин районык республикак.

 

Ңирэқ қликкин ыннэн делегаттэ районгыпы рээнңыт столициягты республикакэн Съездагты Союзкэн общинат РС(Я).
Съезд қликкин ңырақав льоргықаек рамгогъа — қликкин ыннанмытлыңтагнэты ратваңыт омакатгыргыт ковлёкы вальыт ыттолык, вэтгаво нэрэлгыңын қаагынрэтгыргын, ынныңңыттыгыргын, гынниңңыттыгыргын ынкъам социальныйкэн пынлёт, пленарныйкэн заседания ымы наранкалыровңын достиженият общинакэнат чинитнутэк нымытвальэн вараттэ. Ымыльо ынқэн ратваа Томгыльатвараткэн ярак нынныльын А. Е.Кулаковскиек.

Сборныйкэн командат кэлиткульыт эйгысқыкин районгыпы рээнңыт рақыръаченңыт «Овэсватгыргын Эйгысқыкин нэнэнин».

Мероприятия ратваа қликкин ңирэқав льоргықаек рамгогъа — қликкин ңэръамытлыңтагнэты нэнэнин центрак «Сосновый бор».

 

Ңырақ қликкин мытлыңқав гээңэтэты В. А. Роббекэты рамгогъа қликкин ңыроқав льоргықаек қликкин ңырақавтагнэты Якутскак ратваа научно — практическакэн конференция.

 

 Среднеколымскакэн районык нэмықай рагаляңыт мероприятият, иңқун авнантыяатка эргыпатыльын деятель, ңирэқав ылёңэтык рамгогъа — мытлыңтагнэты гыройъэлгык нэрэтэйкыңын межрегиональныйкэн кэлиткульин олимпиада чинитнутэкин нымытвальэн йиле.

 

Қликқав гыройъэлгык мытлыңқликкин гээңэтэты рытомгавъё Якутскакэн АССР ратваа Научно-практическая конференция, миңкы кынмал гаученый рээн чама мургин общественность вэтгаво нэрэлгыңын роль чинитнутэк нымытвальыт Эйгысқыкин вараттэ становленияк государственнокэн  Якутияк.

 

Плыткоңңок омакатгыргын президент АКМНС РС(Я) Андрей Кривошапкин гивлин ынанмайңыпраздник мытлыңқликкин гииңит томгатгыргын Якутиякэн АССР ымы ассоциацията ямга районкэн ынтэйкыркынэт ңотэндатагты мероприятият.

 

Ирина Курилова

Гэйилыльэтлин Равтыңана

Ңотқэн калеё танңыйиле қырылгыгыткы ңутку

Написать комментарий

18 + 19 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ