Бугды эвэнки-аси

Бугды эвэнки-аси

Туруды Эвэды центральнай библиотекаду мероприятиевэ юбилейдулин Евгения Алексеевнаду Курейскайду очатын. Тар мероприятиевэ Международнай мэннгилди турэр тырганилан хавчатын. Дёнкитва Е.А. Курескайдули библиотекарь Ирина Павловна Подполёнок ӈэнэвдечэн.

 

Евгения Алексеевна Курейская факторияду Сталино (эси Ошарово) Байкитскай районду Эвэды национальнай округту 1937 анӈаниду балдычан. Эр анӈаниду бугды асиду юбилей — 85 анӈани омча.

Евгения Алексеевна — эӈэси алагумни, мелодист, декоративно-прикладной творчестваду оламни, икэрвэ, нимӈакарвэ, стихилва-да дукумни бичэн. Нуӈан народнай фольклорва, итылва, одёрилва аят садечан. Эвэды народнай ансамбльва «Осиктакан» элэкэсиптыт итывчан, сагдыва эвэды праздниква «Мучун» арунивкачан.

 

Книгалва «Он синэ гэрбис, бэе?», «Нимӈакар, улгурил-да», «Икэкэл минду, аги!» – тар стихил, икэр-дэ сборникитын. Тадук дукумни циклвэ «Амтылнги урокилин» очан. Нуӈарватын «Уӈкандук дявдула», «Уӈкадерэн, улидерэн, аитчаран», «Овур» туги гэрбинчэн.

 

Евгения Алексеевна — хэричэри аси, бугды, эвэды турэнмэ, этнокультурава сот угирдечэн. Эр эвэнки-асиду хэгды талант бичэн!

 

«Эвэды Ин» газетадук, № 7 24 гиравун 2022 анӈани

 

Вотсапту «Союз эвенков» группадук видео:

 

 

 

Написать комментарий

четыре × 2 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ