Томпа ныглёқэн ченэтнотагты

Томпа ныглёқэн ченэтнотагты

Титэ ңан моргынан мыткэлиан умқы нынныльын Томпа, гэльулин чама гэрэтлин тысяча километрайпы эйгысқынотайпы гэпкирлин нымнымык Джебарики — Хаяк Томпонскийкэн районык.

 

Ынкы гэвинрэтлин Минэкология Якутиякэн гынник нэныпкирэтын зоопаркагты  «Орто Дойду». Ынқо умқыңэв гэйытлин Московскийкэн зоопаркагты.

 

Торгынан лыги нинэлгытури иңқун нынны гантомгавлен голосованияйпы сайтак «Активный гражданин» — гитэльыт сайтак гэтэнынныңлин Томпа, районык варкын вээм ынңэн нынныльын, миңкы нэльуэн умқы.

Ынңэмил — ым мобильныйкэн репортаж мынгыткэн ыннэнқав льоргықаек гэтэйкылин видео, миңкы Томпа нылейвықин ыльеквэ, нытэңычьэтқин, нычыпъэтқин бассейнак — вальерык Московскийкэн зоопаркак қынур ынык урэтнутэк.

 

 

Қол умқы Колымана нынымытвақэн зоопаркак «Орто Дойду». Сетик варкын видео ГТРК «Саха», миңкы Колыманана нэнанкалыровқэн ңээкык Хаарчана. Игыр Хаарчана нытваңэн Санкт-Петербургакэн зоопаркак.

Игыр амқынъычо вэрэңгынникыт калеёт челгыкнигак ныетқинэт нымнымэты.

 

 Моргынан титэ ңан мыткэлиан, иңқун Нижнеколымскак районык госинспектортэ Дирекции биологическакэн ресурсакэн энмэс тъэр гииңит ныёпатқэнат умқэт. Ымы гынрыру умқэт Магаданскийкэн областяк. 

 

Вилыгтын натуралистанэн Марсела ван Остенанэн «Тинтинкин Король»

 

Рубрикайпы «Пагчеңгыргын»: қликкин ңэръамытлыңқав чьачанльоргык варкын Международныйкэн умқэн ылёңэт. (lnternational Polar Bear Day). 

 

«Эмқынгииңит ңотэнылёк нотавириңитыльыт ынкъам экологическакэн организацият нытэйкықинэт амалваң вальыт мероприятият. Ыргынан нывириңқин ынанмайңычьыкин гынник — нивқинэт сайтак МинЭкологияк Россияк. 

 

АЯТ САТАРОВ 
Ңотқэн калеё танңыйиле қырылгыгыткы ңутку
Вилыгтыльин ынпыгосинспектор Руслан Слепцов мониторинготкольын умқэты Нижнеколымскакэн районык. 

Гэйилыльэтлин Равтыңана

Написать комментарий

3 × четыре =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ