Н.К.ОЁГИР БАЛДЫДЯКТУЛИН Денчан Николай Оегирдули

Н.К.ОЁГИР БАЛДЫДЯКТУЛИН Денчан Николай Оегирдули

Эвэды дукумни Николай Константинович Оёгир мэнӈиви литературнай хававэ туги дёнчадянкин:
«Би 1949 аннганива дёнчадям. Би статьялвэ В.Н. Увачаннгива, тадук К.И.Воронина литератураван лучадыдук турэндук
газетадук «Советскай Эвенкия» переводидячав. Туги-дэ газетаду переводчикин очав. Окружной газетаду 1962 аннганиду минӈи элэкэсипты стихотворение «Синнги дылганмас долчатчам» ючэн. Минӈи наставникалви А.Н.Немтушкин, А.Е.Дрянных, алагумни А.Г.Лукинов, газета хавамнилин очатын. Куӈакарду сборниква аничав. Хэгдыл героил произведениелдув – аги, чулама эсал бираяӈил, амудиӈилин, гиркив-орон, эвэнкил-илэл бичэтын.

 

Стихотворениевэ «Би илэлтыки ӈэнэдем» Ян Недзевецкий лучадыт переводичан, журналду «Рабоче-крестьянский корреспондент» ючэн. Газетаду «Красноярский рабочий» 1974 анӈаниду стихилвэв дукучатын. Кэтэ стихилвэ альманахту «Енисей», юбилейнай сборникту «Минӈи меванду Эвенкия», книгаду «Надандули эдындули», книгаду
«Дагиду Крайний Север» тэвчэтын. Упкатва аява творчествавэ газета «Советскай Эвенкия» минду ичэвкэчэн. Эр газета – минӈи алагумни, минӈи хэгды бэлэмни».

Дукуналив стихотворениевэ «Дёнчан Николай Оёгирдули» аят таӈкаллу.

Тэгэл итылван
Дукумни стихилди дукучан.
Он эвэнкил индечэтын,
Туги нуӈан дялдачан.
Мутӈи дуннэ кувлэвэн,
Гиркил эӈэсивэн
Оёгир Николай садеӈкин,
Хэвэки тали бэлэдеӈкин.
Дуннэви эӈкин омңоро,
Чиринда, Ехей амутылван.
Амтыл икэрвэн долдынкин,
Дюкча упкат ӈэрилинкин.
Самэлкилвэ омондёно,
Нимӈакарду, стихилду дукучан.
Сагдыл эвэнкил гунмувкэлвэн
Илмакталду аничан.

Надежда ОЁГИР

Написать комментарий

2 × четыре =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ