Ньурбаҕа «Бакалдадяк» бырааһынньыга

Ньурбаҕа «Бакалдадяк» бырааһынньыга

Ньурбаҕа «Бакалдадяк» (билсиһии, көрсүһүү бырааһынньыга) диэн хоту дойду аҕыйах ахсааннаах норуоттарын сиэрин-туомун, култууратын, духуобунай уонна көлүөнэттэн көлүөнэҕэ бэриллэр баайын-дуолун көрдөрөр дьоро күн буолла!

 

12 чаастан дьон бөҕө тоҕуоруһа мустан, эбээн омук «Дэлбургэ» туомугар быаҕа кырадаһын баайан этэҥҥэ сылдьарга көрдөстүбүт. Маны сэргэ, эбэҥкилэр «Чичивкавун» ыраастаныы, арчыланыы туомнара оҥоһулунна. Бу туомҥа «Чичипкан» диэн сиэр-туом толорор арка аннынан ааһаҕын, куһаҕаны барытын анараа өттүгэр хааллараҕын.

Манна кэлбит киһи барыта кытынна, хоһуун санаалаах хоту дойду дьонун алгыстаах тылларын ыллыбыт, дьэ, уонна салгыы сиэр-туом сэргэтин сыанан аҕаан, имэрийэн-томоруйан баҕа санааларын эттилэр. Ол кэннэ саха омук сиэринэн эмиэ күнтэн күүс эбиннибит, алгыс ылынныбыт. Мантан салгыы, араас омуктар һээдьэ үҥкүүлэрин көрдөрдүлэр.

 

«Гиркилэн» уонна «Долгунча» фольклор бөлөхтөрө эҕэрдэ нүөмэрдэри көрдөрдүлэр.

Тэрээһиҥҥэ салгыы маамыкта быраҕыыга маастар кылаас көрдөрдүлэр, тоҥ балыгы кыһарга баҕалаахтар күрэхтэстилэр. Сэҥээрэн кэлбит дьон таба этин уонна тоҥ балыгы амсайан, үөрэн-көтөн тарҕастылар.

 

Кэлбит ыалдьыттар уонна Ньурбаҕа олорор хотуттан төрүттээх уран тарбахтаах дьоммут Олоҥхо дьиэтигэр быыстапка туруоран көрдөрдүлэр.

Мантан киэһэ Антоновкатааҕы А.Я. Овчинникова аатынан «Түһүлгэ» норуот айымньытын дьиэтигэр нэһилиэнньэҕэ кэнсиэрт көрдөрүөхтэрэ. Кэлиҥ, сылдьыҥ, сэҥээриҥ!

Бакалдадяк эскэн!

Еще больше интересных новостей в телеграм-канале Ulusmedia 

 

Юлия Кириллова, «Огни Нюрбы»

Написать комментарий

7 − 7 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ