Орвыльэн грэп, гангрэпэвлин ыттъыёлкэн ңэанъйыръын — космонавт

Орвыльэн грэп, гангрэпэвлин ыттъыёлкэн ңэанъйыръын — космонавт

Ңотэнъылё, мынгыткэн ңирэқав гыройъэлгык, ныйгиивқин Ылёңэт космонавтики.

Космосэты лейвыльырыкы гантомгавлен нымкықин стихыт чама грэпыт, гаяаленат советскакэн вагыргын.
Ынкэмил гантомгавлен грэп ңэвкосмонавтыльана Валентинана Терешковына мургинэрыкы орвыльырыкы кэличитыльырыкы.

Советскакэн вагыргын екутыльыэстрадак маламқынъычо ныяақэн грэп орвыльэн «Хальархаа» (Розовая чайка» ынқэн грэп пэтле нэныйгулевын, ынқаната мыкычьу лыги Рытомгавыльын стих кэличитыльин орвыльын Семён Курилов. Грэпык йъаяқай, ынқэн ңэанъйыръын — космонавтальын Валентина Терешкова.

 Ытлеңи кэличитыльин Гаврил Курилов — Улуро Адо гивлин корреспондентана «Илкэн», грэпык гэнгрэпэвлин космонавтаңав:

 «Ынан рытомгавнэн ыттъыёлкэн ыннэн куплет грэпкин, қутти тынтомгавын гымнин. Ытръэч мури гавэтгавморэ, иңқун стихыт ратваңыт ынинэт. Ытръэч мелодия грэпкин мытъяан нымтумгыңэвин нымытвальыт Андрюшкак Татаеванэн Христинанэн. Ынин гатвален грэп яаё акагты Михаилына, ытръэч киткит алваң мытытчыан.
Валентина Терешкова гатвален героельо советскакэн вараткэн. Ытлён риңэплыткук космосэты моргынан мытынтомгавын ңотқэн грэп». 

Ыттъыёлкэн ңэвкосмонавт Валентина Владимировна Терешкова гэлейвылин космосэты «Восток-6» мынгыткэн ыннанмытлыңқав анойъэлгык мынгыткэн қонъачыңкэтагнэты 1963 гииңитык.

«Йъаяқай» — ынңин вальын эйңэвыткун гатвален ынин.

Ңирэқ қликкин амңырооткэн грулмыт корабль тэйкынин планетак гролмакы, ынкы ытлён гатвален ңирэқ ылёңэт қликкин ңирэқ час ңирэқ қликкин мынгыткэн минуттэ.

 

 

Хальархаа (Розовая чайка)

 

Аракиэта чэндээйуолги

Аласайҕа мөрчиильэнь

Космастаньаҥ пайпаруолги

Кулумаҕа көткэйлэнь.

Кэг-гэ-дьээ-гэ, кэг-гэ-дьэй ) 2 раза

Ваай монтэйли: «Хальархаалэҥ

Мит йэвлигил чирэмэ»,

Ваай монтэйли: «Валентина –

Чамариимэ мит эмдьэ».

Кэг-гэ-дьээ-гэ, кэг-гэ-дьэй ) 2 раза

Сукундава йэклиэдэҕэт

Йэрпэйэлэҥ аҕальваал

Сукундава оньилдаҕан

Мит лаҥудэҥ ичуонаам!

Кэг-гэ-дьээ-гэ, кэг-гэ-дьэй ) 2 раза

 

Ирина Курилова

Гэйилыльэтлин Равтыңана

Написать комментарий

семнадцать + восемь =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ