Ганкалыровлен рыльоңатгыргын Нижнеколымскакэн районкэн «Ыннэн ылёңэт, ыннэн гииңит, ыннэн век»

Ганкалыровлен рыльоңатгыргын Нижнеколымскакэн районкэн «Ыннэн ылёңэт, ыннэн гииңит, ыннэн век»

Якутскакэн государственныйкэн музеек историякэн ынкъам культуракэн Эйгысқывараткэн нынныльын Ем. Ярославскийкэн. Мынгыткэн мытлыңқав гыройъэлгык гантылёпавлен рыльоңатгыргын «Нижнеколымскакэн район. Ыннэн ылёңэт, ыннэн гииңит, ыннэн век», мытлыңқликкэты рытомгавъё Якутскакэн АССР.

 

 

Рыльоңатгыргык нынкалыровқэн история районкэн эргыпатыльыт оравэтльат Нижнейкин Колымакэн. Етыльэ рыльоңатгыргэты нэрэльуңынэт экспонаттэ еп анкалыровкыльэнат, яракэнат яаёлқылтэ қорагынрэтыльэн, гынниңңытыльэн лыгиэвиръыт мурык нутэк нымытвальэн варатэн — чувчеңкин, қорэмтэльэн, орвыльэн, Арктикакэн танңыстарожилкэн. Ынкы чама нынкалыровқэн тэминңыхудожницанэн ваңэёт Екатеринан Суржаниновынэн.

 

 

Экспонаттэ нынкалыровқэн Нижнеколымскакэн музеякэн историякэн ынкъам культуракэн Эйгысқывараткэн, краеведческакэн музей нынныльын Н. И. Тавратын ынкъам Старорусскакэн музей нынымкэн Походск чама фондайпы Якутскакэн музей нынныльын Ем. Ярославскакэн.

 

Қликкин ңирэқ районтэ республикакэн нынкалыровқэн чиниткинэт экспозицият государственныйкэн музеек историякэн чама культуракэн Эйгысқывараткэн нынныльын Ем. Ярославскийкэн. Гатваленат ңэръамытлыңэн Эйгысқырайонтэ. Гамңылтэлен методист Управлениякэн музейкин республикакэн Саха (Якутия) Николай Федоров: «Эмқунэче ныетқинэт Якутскагты мургинэт ваңэтомгыт ынкъам ңотқэн рыльоңатгыргын, мытлыңқликкэты рытомгавъё ЯАССР, игыр ыргынан нынкалыровқэн историят, культурат мургинэкин Эйгысқыкин варатэн. Ынкъам общественность мургин республикакэн ныльуулгықинэт, ныгитэқинэт мургинэт музейти.

 

 

Рыльоңатгыргын наранкалыровңын мытлыңэты мимлыръылитагнэты.

 

Ирина Курилова

Гэйилыльэтлин Равтыңана

Написать комментарий

девять − один =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ