Ымвараткэн ылёңэт ылтыңэчьықэйин

Ымвараткэн ылёңэт ылтыңэчьықэйин

Эмқынгииңытык мынгыткэн қонъачыңқав гыройъэлгык ямга варатык нынпраздникавқэн нытаңпэрақэн кыткыткэн праздник — ылёңэт ылтыңэчьықэйкин. Праздник нантомгавын Англияк 1984 гииңитык. 

 Ымваратык ямга нутэк ынқэн тыңэчьықэй нынңаңңоқэн ынпылювлек гыройъэлгытагнэты. Великобританияк — ым ытлён нынңэқин гынунгыройъэлгык ынқэната ныпраздникатқэнат титэ ңаргынэн номавқэн, игыр — ым ылгу лыңъё ымы мыкычьу странык. 

Латинскакэн нынны ылтыңэчьықэйкин «галянтус» (Galanthus) — «молочный цветок». Ынқэн тыңэчьын лыги гэлгылин еп ыннэнқав тысячелетияк, гынунык векак тыңэчьын гэлгылин қынур символ непорочности. 

 Амалваң вальык варатык нынны тыңэчьин амалваң вальын. Англичальа гэтэнынныңлин ылйитқэй эвытлым ылвэлёквын; чехильа — пиңэқэй; немцальа — ылвэниқэй, моргынан — ым ылтыңэчьықэй. Танңэн нынны, юрэқ нэтэнынныңгъэн иңқун нынңэқин ылчыкойпы, титэ тиркиир номатыңоқэн. Ямга мурык нутэк ымы варкыт нынныт ңотэн тыңэчьин, миңкри вальын тыңачьылгын ыттъыёл нынңэқин нынныльын ылтыңэчьықэй. 

 

Россияк ылтыңэчьын нынныльын Прострел (лат. Pulsatilla). Вараткэн нынны : сон — трава эвытлым ылтыңэчьын. 
Якутияк ылтыңэчьин ылёңэт мынгыткэн амңыроотқэв мимлыръылик. Праздник гантомгавлен 2004 гииңитык. Якутияк мытлыңэн амалваң вальыт тыңэчьыт — прострелыт. Ымыльо ытри, қынур — ым ылтыңэчьын гэкэлилин челгыкнигак. 

 

Пыңыл открытых источников 
Андрей Исаков

Гэйилыльэтлин Равтыңана

Написать комментарий

девять + 11 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ