Гэкэлипинтықэтлин гыройъэлгыкэн газетан «Илкэн»

Гэкэлипинтықэтлин гыройъэлгыкэн газетан «Илкэн»

Еттык, энарылгатыльыт, тумгыт, вараттумгыт.

 

Пинтықэтгъи гыройъэлгыкэн республикакэн газета Эйгысқывараткэн Якутиякэн «Илкэн». Мынынкэтъоңатын, иңқун нынны гантомгавлен қорэмтэваратйиле «знак», «затес» уттык. Ыттъыёлкэн номер гантомгавлен гытгайъэлгык 1999 гииңитык.

 

Қэлёкъым  ымыльорык чимгъуу мараквыргын Украинак, ынкы нылеқин специальныйкэн военныйкэн операция Россиякэн армиякэн. Ымыльо санкцият Америкакэн ынкъам қутыргин ыяанотакэн вараткэн, тэңэвын Россия рэрмэлтэтгъэ.

Ңотэномерык торгынан рарылгыңыткы, миңкри нынымытвақэнат қорагынрэтыльыт ымвараткэнат общинат қонъачыңқав — мынгыткэн ыннэн страницак, ныкоргавқэнат эрмэрыкы ваңэльыт отросляк Эйгысқыкин Минсельхозык Иннокентию Балановына чама таңваңэльырыкы Ассоциацияк КМНС Любавь Христофоровына ынкъам Лидияна Атласовына.

 

Ынңытэқ президент РФ Владимирына Путинына  вэтгаво гэлгылин омакатгыргык Эйгысқын, миңкы гивлин иңқун программат омръаквыргын майңынотак, мачынан ымы гасанкцияма тэңэвын ваңэё ыныплыткуан. Чама гивлин Москва рэтумгыльэтгъэ ивыткинэк ынкъам рымавтэты гапартнёра рээн. Қырылгыгыткы «Путин ынкъам Эйгысқын. Время действовать». Рымавтэты пресс — конференция сенаторкэн Советкэн федерациякэн РФ Александранэн Акимовынэн Якутскагты журналеты ңирэқав — ңыроқав страницак.

 

Чинитвараткэнат йилыт вэтгаво нылгықин общественнольа. Ымы ынқэн рарылгыңыткы интервьюк депутатык Ил Тумэнкэн Феодосии Габышевына рээн, ынкъам отчёт заседаниякэн ваңэгруппакэн чинитнутэк йилыт ямга вараткэн республиканскиек парламентак ыннанмытлыңэн — ңэръамытлыңқав страницак.

 

Энанвалынкықонаквыргын мургинэт корреспондентат Верана Дьячковына, Зояна Степановына, Майана Тоентовына, Любовына Деминовына иңқун пэтле тэвмэчынкы ныйилыльэтқинэт пыңылтэ чама публистическакэнат материалтэ рарылгыңыткы мынгыткэн ңыроқ — мынгыткэн мытлыңқав страницак.

 

Ынңытэқ галяэ съезд ымвараткэн регионкэн, ръэнут вэтгаво гэлгылин сугланык қырылгыгыткы страницак ыннанмытлыңэн ынкъам ңэръамытлыңқав.

 

Ымыльорыкы пэгчиңу субсидированыкэнат риңэрейсат эйгысқыулусэты, компанияльэн «Полярные авиалинии». Ымыльо ынқэн торгынан лыги рэтчыңыткы пыңылгыпы Андреяйгыпы Исаковына.

 

Мургин газетата амқынъычо вэтгаво нинэлгықин Эйгысқыкин литераторакэн ваңэёт. Ынңытэқ Якутскак гатвален омакатгыргын торкэличитыльин ынкы торкалеваңэёт ганкалыровленат Эйгысқырэмкэ, кэлинңивэт чинитйиле рарылгыңыткы мынгыткэн ңыроқ — мынгыткэн ыннанмытлыңқаа страницак.

 

Гыройъэлгык гамголен подпискакэн кампания ңотэнгазетагты қоле гииңитчывиптэты 2022 гээңэтэты. Гаймаңэн ымы тури гаподписыванңыткы ңотқэн газета.

 

Мытынқитпыңэтыркыниткы мытлыңқликкин гээңэтэты Якутскакэн АССР ынкъам мимлыръыликинэт праздникэты.
Қыподписыватыркынэтык, қырылгыркынэткы «Илкэн», қырылгыркынэткы мургин портал.

 

Редакция газетакэн «Илкэн»

Гэйилыльэтлин Равтыңана

Написать комментарий

2 × три =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ