Мытлыңқликкин гээңэтэты Якутскакэн

Мытлыңқликкин гээңэтэты Якутскакэн

Қликкин ңэръамытлыңқав гыройъэлгык — майңыдата историяк Якутияк. Ңотэнъылё ңирэқ датат историческакэн вагыргык регионык, 1922 гииңитык гантомгавлен Якутиякэн Автономныйкэн Советскакэн Социалистическакэн Республика (ЯАССР) кынмал СССР рээн.

 Кэтэм ңыроқ қликкин мынгыткэн парол гииңит галяэ, 1992 гииңитык ңъэлгъи торконституция республикакэн, ынқаната статус Якутиякэн субъект Россиякэн Федерацияк.

 

 

Гэтэңқитпыңыткулин Президент Россиякэн Владимир Путин гивлин: «Нымытвальыт Республикак вэймэну нылгықинэт қутти вараттэ, ыргин тэлеңкин вагыргын, нытаңпэрақэн Эйгысқыкин нутэнут. Ымы ыттъыёлягты торгынан мычвынэты рэнмэйңэвңыткы таңвагыргын — турык республикак ынкъам ымыльэты Россияк».

 

Эрым Якутиякэн Айсен Николаевына гэтэнқитпынлинэт ымыльо нымытвальыт республикак оравэтльат гапраздникылгав ынкъам иквъи : «Ымыльо тайкыё республиката ңотэнвекык — ынқэн результат созидания ымыльоргэн ваңэёт ыттъыёлкэн ямгавараткэн рэмкин, ынқэн мургин гытамо эвын итыльылқыл ынкъам рымэйңэвкы гаймычьыгыргэты.
Мытлыңқликкин гииңит республикакэн ыттъыёлягты рыгаймычьавык, таңвагырго Якутиякэн ямгаварат «.

 

Андрей Исаков

Гэйилыльэтлин Равтыңана

Написать комментарий

тринадцать + шестнадцать =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ