Якутиягэ одулпэ национальный ньэрпэги попульярныйңот ааңилэ

Якутиягэ одулпэ национальный ньэрпэги попульярныйңот ааңилэ

Региональный общественный одулпэ организацияги (Омопэ Алаи) 2011 ньэмолҕилгэ Нижнеколымский районгэ  кудэйоодэк таат уйит куньэльоой проектпэгэлэ хонтом: традицияпул, одул шоромопул обычиепки эндиидин таат уөрпэпул эндиидин таат кисьтин одул ажуулэ.

 

 

Таат 2021-2022 ньэмолҕилпэгэ грант Минарктики РС(Я) оодэгэ, организация «Чэкчийиэ» (мастерица): национальный традицияпул одул ньэрпэгэ эндиил» проекткэлэ аальэлум. Таң проекткэгэлэ аальэлңа эндиидин национальный одул ньэрпэгэлэ таат тамунгэлэ мориэңигэн монут.

 

 

«Алаичи» руководительпэги Василий Третьяков пундум «Илкэн» корреспондентңин: таң проект заданиеги оольэл творческий лабораториялэк аадин, национальный ниэрпэлэк иидэдин. Таат льэт малҕалоой одун ниэр комплектгэлэ иидиэльэлңа — йалоой куөйпэльэ таат йалоой паайпэльэ.

 

 

» Таат льэт иркин ниэр паргэлэ, паайпэльэ таат куөйпэльэ, иидиэльэлңа традиционный нормалэ, атахун паргэлэ современный, стилизованный, делового значения ниэр титэ иидиэльэлңа, — мондьоодэк В.Третьяков.

Таң костюмпэ презентацияги оольэл 25 шилльэ киндьэгэ Северо-Восточный факультеткэ. Таң национальный ниэр комплектпэги иидэм Мария Сергеевна Слепцова чэкчиль паай Черскэйгэт.

 

 

«Тиң подьорхого коренной Север народпэгэ титтэл национальный ниэрпэгэ йиэн народпэгэт йиэнбэн шоунуннуй, самобытность шоҕиэнуннуй.Хаин мит иидиэнуй одун ниэрпэ, мит йуөнуннуй Владимир Иохельсон книгагэт «Юкагиры и юкагиризированные тунгусы» одун ниэрпэ иидол нормэпул. Таат аай йуөнуй Анна Данилова книгагэт»Бытовая лексика юкагирского языка: материальная культура» одул ниэрпэгэн тудэл исследованиепки», — пундум «Алаичи» главаги.

 

Проект йиэн частьгэ оотэй  виртуальный мастер-класспэ аадин, ходо аасьэн хаарпэгэлэ кэрлэштин, ходо традиционный маҕилгэлэ йаҕидэдин таат иидэдин , ходо таң ниэрпэ шөрилэштин.

Таат льэт таң виртуальный мастер-класспэгэн документпэгэлэ ааңитэм, таат миэкэн Интернет сетькэ эгэтэңитэм, поньооңигэн монут таң традиционный иидол секретпэги.

 

В.Третьяков моннуй, таң проект кульминацияги оотэй хаин общественный одун организация лидерпэги, национальный ниэрпэ мородолло, международный, всероссийский мероприятиегэ уйит льэңитэй. Ходо мони общественник, идьии оҕой иркин вопросэк — эндиидин коренной малочисленный шоромопулгэ традицияпки уөрпэ таат чомоодьэ шоромопулгэ молҕо.

 

Современный технологияпул хамиэнуңам хонтоштин национальный культурагэлэ илльэ уровниеңин.

«Мит проекткэ мит чоммушнуйли, лэйдииңигэн монут, мит национальный ниэрпэ ходимиэнуңи таат аай моннуйли ходо иидэдин мит национальный ниэрпэ современный костюм титэ», — мондьоодэк Василий Третьяков.

 

Ирина КУРИЛОВА

Одул титэ шурэлэшум Любовь ДЕМИНА

Написать комментарий

пять × три =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ