Ңырақав мимлыръылик оратъылёңэт Н. И. Тавратын

Ңырақав мимлыръылик оратъылёңэт Н. И. Тавратын

Ңотэнъылё оратъылёңэт Николаен Ивановичен Тавратын, оравэтльат общественнольыт Черскиек нырэтынэт таңпэратыңэчьыт памятникэты эргыпатыльэты оравэтльэты.

 

Таврат гьурэтлин ңырақав мимлыръылик 1923 гииңитык. Еп ңинычьу вама гаваңэлен ңэлвылекы қорагынрэтбригадак.
Ынин тэминңычьын ваңэк, лыги лыңъёгыргын оравэтльат ыттъыёлягты Таврат ңъэлгъи ымыльо гыюльу эрмэну.
1963 — 1983 гээңэтагнэты гаваңэлен председательо Нижнеколымскакэн райисполкомык.

Гатвален депутатыльо Верховныйкэн Советык ЯАССР ынкъам Верховныйкэн Советык РСФСР.

 

Иңқун авнантыяатка таңоравэтльан, Черскиек гантомгавлен Тавратын равытгыр. Нымнымык Колымскак варкын калеткоран чама музей гэтэнынныңлин нынны Тавратын.

 

Алексей КУРИЛО
Виилыгтын «Колымскакэн правдакэн»

Гэйилыльэтлин Равтыңана

 

Николай Иванович Таврат — ымыльорык лыги вальын оравэтльан.
Ынин майңыройыръын гаялгытлен эллықык, ымыльоргарэ ытри қорагынрэтыльыт. Колё мыгнэнэнэльыт рэмкыт гатвален ат. Ымы Тавратын гатваленат чакэттыт, ынъэқэгти: Гываңңы, Тъэлы, чинит Таврат Қаанче, Тыркыл, Рултыңэут ытри ымыльоргарэ ганымытваленат ынкъам гаваңэленат эллықык, ңэлвылекы. 
Таврат гатвален эрмэну Якутияк. Урэңит гаваңэлен председательо Нижнеколымскакэн райисполкомык. 
Мургин калеткоран, музей, равытгыр Черскиек, теплоход, алмаз (итчывитльэн выквылгын) ынкъам эңэр — ңотқэнат ымыльо гэтэнынныңлинэт нынны Тавратын. 

 

Гэйилыльэтлин Равтыңана

 

 

Написать комментарий

пятнадцать − четырнадцать =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ