Аҕа дойду сэриитин ветераннарыгар…
Эһиги болҕомтоҕутугар Ирина ДОХУНАЕВА-Кустук Аҕа дойду сэриитин ветераннарыгар анаабыт хоһоонун билиһиннэрэбит.
Уот сэрии толоонугар
Сыталлар кыргыспыт буойуннар,
Эдэркээн бэйэлээх уолаттар
Эр бэрдэ ааттаппыт убайдар.
Алаастан, хонууттан тэйэннэр
Тапталлаах дьоннорун хаалларан,
Ийэлээх-аҕаттан арахсан
Барбыттар кыайыыга турунан.
Дьол, олох, дойдубут туhугар
Көмүскүү, харыстыы барбыттар,
Эргиллэн кэлбэттэр кинилэр
Yйэ саас тухары сыппыттар.
Сырдык олохпут кэлэрин
Букатын бигэтик эрэнэн,
Хорсуннук, хоодуоттук кыргыhан,
Аҕалтар кинилэр өстөөхтөн.
Умнумаҥ,кэриэстээҥ дьоммутун,
Харыстааҥ бу дьоллоох кэммитин,
Аатырдыҥ геройдар ааттарын,
Уруйдааҥ кыайыылаах кэмнэрин!
Ирина ДОХУНАЕВА-Кустук
