Арктикакэн колледж торпэраңогъэ

Арктикакэн  Эйгысқывараткэн колледж Черскийкэн нытэнмавқэн Ымвараткэн чемпионатэты тэлеңкин вагыргын қаагынрэтыльэн, ынқэн мероприятия ратваа қулиникэк, гыройъэлгык 2023 гииңитык.

Министерство гыёлятгыргыкэн ынкъам наукакэн налпынрыан кэлитьуле капитальный ремонтанго гиулетяраңы. Галяэ приёмка, чымқык ваңэёт энмэс гэтэйкылинэт ыппылюспортивный зал. Қаақын нымкықин ваңэёт. Студентат ымы инэныйгулевыльыт ракоргавңыт гиулетык торколледжак, еп этэнкэвңыкыльин 1973 гээңэтгыпы — нымңылтэлқэн эрым колледжакэн Елена Антипина.

Гаваңэленат спортзалык предприятие «Центр кровли», мынгыткэн ңэръамытлыңқав мимлыръылик рээнңыт специалистат «Стройэнерго», нэрэтэйкыңын ымыльэты ремонт общежитиякэн ынкъам қамэтваран. Стройматериалтэ, инвентарьтэ ынкъам оборудование гэрэтлинэт льэленръэтъеквэ. Игыр варкын ымыльо ваңэтайкынго. Қутти материалтэ нэрэрэнңынэт мэмлыеквэ.

Студенческакэн тараңкэн отряд нэмықэй рэвинрэнңыт колледжак ваңэк — энмэс гэтэнкэвңылин ңыроқ кабинеттэ, чама ныгичиқин, нынтэнмавқэнат мебель қамэтварагты ынкъам общежитиягты.

Виилыгтын Алексей КУРИЛО
«Колымская правда»

Гэйилыльэтлин Равтыңана