Кыһыл хаалтыс тэлээрэр

Кыһыл хаалтыс тэлээрэр

Хаардаах Хайыртан төрүттээх Евдокия Ферапонтова-Сырдыкчаана бүгүн биир тыынынан суруйбут хоһоонун эһиэхэ ааҕааччыларбытыгар билиһиннэрэбит. ССРС саҕанааҕы оҕолор бу күнү үрдүктүк саныыллар, оҕо саас ахтылҕаныгар киирэн ылаллар, пионер эрдэҕинээҕи кэмнэрэ харахтарыгар каадыр курдук элэҥнээн ааһаллар, олус үчүгэй кэмнэрэ өйдөрүгэр бигэтик хатаммытттар.

Бүгүн — Пионер күнэ үүннэ,

Бүгүн — кыһыл хаалтыс тилиннэ,

Биир тэҥҥэ кэккэлии турбуттар:

Бэлэммит! Бэлэммит!- диэбиттэр.

Оҕо сааспыт өйдөбүлүгэр,

Олохпут биир кэрэ кэрчигэ.

Ол кэми бу баардыы көрдөрө,

Оргууйдук көһүннэ бу бүгүн.

Кыһыл хаалтыс өрүү баанаммыт,

Кэлэр кэскилбитин түстээммит,

Күүстээх санаа өрө күүрүүтэ,

Кэҥэтэрэ үөрэх билиитин.

Эһэбит Ленин ыйбыт суолунан,

Эйэлээх олоҕу тэлэммит,

Эгэлгэ үтүөнү билэммит,

Эрэллээх кэскили талбыппыт.

Барыбыт үрдүккэ талаһа

Билиини тулалыы иҥэрэ,

«Бэлэммит» дэһэрбит чиэс биэрэ,

Бигэтик инники кэккэҕэ.

Кыһыл хаалтыс тэлээрэрэ,

Хас биирдии хардыыны эбэрэ,

Күүстээхтик тиҥиргиир сүрэххэ,

Хаһан да сүппэттии ол кэмҥэ.

Ол онтон элбэх да сыл аастаҕа,

Оччотооҕу оҕо кырыйдаҕа,

Ол эрэн сүрэҕэр биэбэйдээн,

Олоҕун устата

«Мэлдьи бэлэммит!» — өйүгэр .

Евдокия Ферапонтова-Сырдыкчаана

«Заря Яны»

Подробнее: https://xn—-7sbu0an2ezab.xn--p1ai/article/56925

Написать комментарий

восемнадцать − 10 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ