Пионер биньирэпу дьооҥчидьак

Пионер биньирэпу дьооҥчидьак

Бэйтэнду Һоо эрипчи,ок-та эти омҥапта бинин һээн -куҥарапан.
Мут куҥарапат тунҥан-ньуҥэнмиарис анҥанилду иэлтэнин.Дьоонакат тарак Һоо ҥээрин,,һойа гиаки гургэлкэн биврэрин.Мут айтаки-ньун бинитки гуусэкэдди бисит.Тарап куҥа көчукэньирэп класстук октябрёнок биврэрин,тарит пионерла иивгэрэритэн.
Тала ай-ньун дисциплиналкан, аит татти бисэкэс, һупкучэкли, классли ҥэнни гургэлдули иавут-та оори бисэкэс иивдьир.
Октябрёнок, пионер оодаи элэчэндьи гуусэккэрэнни. Тарбачан дэлэду эч биврэр.

 

Эври унма19 инэҥин -Пионер инэҥин. Куҥалбу пионерла иивэддэ.

 

Ургэ. Тачин гуусэктэкут, бинилэ илун һойа бисин: Эгдьэн кусин геройални пионерал, Краснодар нөсэҕчэрни, бугур дисуччэл, Зоя Космодемьянская, Федор Попов, нонап космонавт Юрий Гагарин, Валентина Терешкова тадук-та һөнтэл. Иак һоонитан бэил гөникэн, миаҥчиврарит. „Клуб интернациональной дружбы» бисин. Тала һойа СССР республикалдукун куҥалньун, дукматникан, гиаматтит. Венгриядук-та дукматтит. Һойав һэбдьэньу, надалкам һаамулкуврарит, бэилбу-дэ. Тарак чэлэн муту һупкуттин. Амарла һаан дукмачадьааки куҥалбу бакрив, бакалдаматит, гору гиаматтит. СССР аччалтачалатан, бэримэттит. Тачин куҥарапат иэлтэнин. Тиик пенсионерал бисэп.

 

Зоя Афанасьевна Степанова

Һэбэн

Написать комментарий

19 − один =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ