Мургин нутэтумгын Григорий Вэлвын

Мургин нутэтумгын Григорий Вэлвын

Мынгыткэн ңирэқав мимлыръылик — оратъылёңэт Григорий Ивановичынэн Вэлвынэн. Ытлён еп торъоравэтльо уйңэ ңъэлгъи, тэңэвын оравэтльак чимгъук пэлятгъэ. Ынээльын Николай Васильевич ынкъам чакэттықай Валентина Ивановна ныкэтъоқэн ынин нымытвагыргын, ваңэгыргын.

 

Энанкэтъоңгыргын ваңэветеранэн РФ, ветеран сельскийкэн хозяйствакэн РС (Я) Николаен Васильевичын Ягловскиен: «Григорий гатвален ынпычьын нэнэны ройыръык қаагынрэтыльырык Анастасии Петровны ынкъам Ивана Макаровичынэн Вэлвырык. Янор гэйгулетлин сельхозфакультетык ЯГУ — 1969 — 1974 гииңитык., гаваңэлен қаанмалявыльо Колымскакэн отделенияк совхозык» Нижнеколымский » — 1974 — 1976 гииңитык., ынқо секретарь комитетык комсомола совхозык — 1976 — 1978 гииңитык., эрым қаанмалявыльырык Нижнеколымскакэн районык 1978 — 1986 гииңитык., зоотехник ынкъам эрым агрофирмак «Эдил» 1986 — 1990 гииңитык., гатвален начальнику Управленияк сельскийкэн хозяйствак 1990 — 1992г., директор Нижнеколымскакэн Эйгысқывараткэн колледжак 1992 — 1994г., эрым Управлениякэн сельскийкэн хозяйствак 1994 — 1999 гииңитык., гатвален эрмэну КРО «Торвагыргын» 1999 — 2003 г., эрым инспекцияк нутэвириңкин 2003 — 2010 г.

 

Г. Вельвин, А. Исаев, И. Рыжов

 

Ытлён нымкъэв гаваңэлен, тъивчимгъульын ваңэльэты. Нэнантомгавқэн, нинэнчъимгъувқин миңкри қун таңың нъычван ыттъыёлягты. Ынан гэтэйкылин майңываңэё рымэлевэтык тъысгыргыт қорэн: бруцеллез, сибирская язва, гиргулинэт чьупэт ымы қутти ваңэёт. Чама гатвален координаторо ынңин вальык программак: «Жара», «Медвежий патруль». Григорий Иванович гатвален общественныйкэн деятель, чама депутато Халарчинскакэн наслегык, Нижнеколымскакэн райисполкомык,  1989 гииңитык гатвален делегатыльо учредительныйкэн съездак КМНС, депутатыльын Верховныек Советык ЯАССР XXII Созывак, нымкықин гииңит гитлин эрмэну Ассоциацияк лыгъоравэтльэн РС(Я). 

 

Нымкықин гииңит ваңэгыргын ванэ гэмо ынылгыгъан: 1996 гииңитык ңъэлгъи  «Заслуженный работник сельского хозяйства РС(Я)», 2003 гииңитык ынин нынны нэкэлиан энциклопедияк «Ынантаңоравэтльат Россиякэн» разделык «Родины славные сыны и дочери». 2009 гииңитык ганаграждатлен «Гражданская доблесть», «Почётный гражданин Нижнеколымскакэн районкэн», нымкықин грамотат районкэн администрацияйпы, Минсельхозгыпы, Министерствойпы нотавэрэңгыпы РС(Я). 

 

 

Григорий Ивановичына гантомгавлен стихыт, ынин қол нынны гатвален Гыргол Пурэ, ынин калеёт гэкэлилинэт журналык «Хотугус улус». Магаданык чит  нъынтомгавын сборник стихыт чувчеңйиле, ынръам ымыльо  калеёт гантымңэвленат. Ынңин вальын таңқонпы пэлятгъэ мурык чимгъук». 

 

Чакэттықай Валентина Ивановна нэнакэтъоқэн» ныгыйипқин ынъэқай гатвален : «Ынъэқай Григорий еп ңэнычьо вама нывэймэнэтқин ңинычьэты чакэттомгырык, ынээльырык. Еп ңээккэқэю вама гынрыру пэнин гуум, иңқун тыяаркынат этықон ванэ лыляквыт, Эвытлым ыяанотайпы нэназаказыватқэнат гымыкагты. Гииңитык титэ гуум гъурэтигым ытлён ңъэлгъи комсомолык «. 

 

Мургин корреспондент (Виилыгтын архивайпы «КП»). Колымская правда 

Гэйилыльэтлин Равтыңана

Написать комментарий

13 − 1 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ