Һааскы корал түмүгэ

Һааскы корал түмүгэ

Һааскы корализация табаларга анаабыр районугар түмүктэннэ. Бу масштабнай мероприятие, һыл аайы һаас онна күһүн оҥоһуллар. Һака  республикатыгар райоҥҥа дьиэ табатын иитэллэр; Абый, Алдан, Аллаиха, Анаабыр, Булун, Верхнеколымск, Верхоянск, Горнай, Жиганск, Кобяйск, Мома, Нижне-Колымск, Оймякон, Олекминск, Оленек, Среднеколымск,Томпо, Усть-Мая, Усть-Яна, Эвено-Бытантай онна Нерюнгри районнарыгар.

 


           

 Стадо табатын барыкаанын комуйан зоотехника онна ветеринария мероприятияларын специальнай изгородька комуйаллар. Бу улэ һурун һуолтата – таба группатын  наастыыллар, аксаанын аагаллар, таба үөрун формируйдууллар.
             

Биһиэкэ һааскы корализация 24 мартан (таба эмийдиир ыйыттан) сагаламмыта, снегоходтарынан камнаабыттара. Кораль «Маян», «Куочаа», «Укчаариилаах» һирдэригэр буолбута, онуга  И.Спиридонов аатынан МУП 6 №-даах стадотыгар переноснай кораль туттубуттара. Маныга  МУП им. И.Спиридоноваҕа  табаҕа улэлиир дьон онно  директор Туприн Р.Д., УСХ  специалиһа Туприн С.Е., зоотехник Туприн И.А., ветеринарнай специалистар (руководитель заведующая ЮХВП Спиридонова А.А.) онуга 15 рабочайдар кыттыннылар. Арктика МУП  УСХ специалиһа Свешников В.А.. зоотехник – Андросов Нь.М., 4 ветеринарнай улэһит (руководитель филиал заведующая Семенников Н.А.) онно 7 рабочай улэлээтилэр.

 


     

Таба үөрэ киэҥ сиринэн тайаан мэччийэр, иннэ гынан тыа улэһиттэрэ улэлиир һирдэригэр тиийээри һууһунэн километрдары айанныыллар. Субу кэмҥэ хас биирдии стадога уонна хозяйственнай сектордарга производственнай заданияларын, кыстык, терүөх улэлэрин, маршруттарын  быһаараллар, һубэлэһэллэр, туолкулаһаллар. Инники плановай показателлэрин (тугут деловой тахсыытын, улахан  таба показателлэрин, поголовье уопсай туругун) аагаллар, көрөллөр, отчет оҥоһуллар.
     

Корализация процеһа уустуктардаах онна ыаракан, табалары аагарга, маркировкалыырга, плановай противоэпизоотическай, лечебно-профилактическай, диагностическай  мероприятиялары уонна мониторинговай исследованияга  специальнай загоннарга  үүрэн гиллэрэллэр. Һубу һааскы кораль 8 оленеводческай  бригадаҕа буолан ааста: МУП « Арктика» — № 1 стадоҕа, МУП им. И.Спиридонова  1, 2, 3, 4, 6, 7, 8 № стадоларга буолбута.
       

Район ветеринардара ыраак  сытар оленеводческай бригадаларга бараннар былааннаммыт противоэпизоотическай үлэлэрин толордулар: сибирскай язваны утары 14013 таба, бруцеллез ыарыыга лабораторнай диагностическай исследованиеҕа 1668 табаттан хаан пробата ыллылар.

 


   

Һааскы таба  аагыыга МУП «Арктикаҕа» 2063, общественнайа 193, чааһынайа 126 табаны аактылар, МУП им И.Спиридонова  14314, мантан общественнайа 11441, чааһынайа 2873 мэньии. КРО КМНС «Сэдэмэ» — 637, КРО КМНС «Балыксыт» — 1165, КРО КМНС «Бегичев» — 1220 табаны аактылар. Райоҥҥа барыкаана 19399, общественнайа 16400, чааһынайа 2999 аксааннаах үөр баар.
         

Дьыл сагатыттан таба туһата суох өлүүтэ 1321 мэньии, И.Спиридонов МУП – 1008. Общественнайа 934, чааһынайа- 74, ыалдьан, охтон өлбут таба аксаана — 356, бөрө сиэбитэ — 31, сүтүк 621 (547 общественнай, 74 чааһынай). Онуга «Арктика» МУП туһата суох өлүгэ 313, общественнайа 298, чааһынайа 15. Ыалдьан, охтон ус таба өлбут, бөрө түөрдү сиэбит, сүтүгэ – 291 общественнайга, 15 — чааһынайга.
   

Чубу улэ төһө да ыарахаттардаагын иһин сельхозулэһиттэр ыраак һытар һууртарга айанныыллар. Бу һиргэ, биһиэкэ  хотугу таба  былыргыттан күн аныга диэри дьиэтээги эрэ кыыл буолбатак, гини биһиэнэ олокпут олуга буолар.

 

Владимир Большаков,

«Анаабыр уоттара»

Написать комментарий

9 + четырнадцать =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ