Мургинэт нэнэнэт паңъэвңытосқэквъат Краснодарэты

Нижнеколымскак районык элек паңъэвңытома раваңэңыт мытлыңэн лагертэ ымъылёңэт вальылқыл ынкы. Ымыльэты мынгытқликкин нэнэнэт рапаңъэвңытоңыт. Гичивпаңъэвңытогыргын амалваң вальыт: социальный — педагогическакэн, қыръачетрымаляватгыргыкэн ынкъам экологическакэн.

Районкэн центрак раваңэңыт ңирэқ лагертэ: ЧСОШ — «Йъыңэттэт», коррекционный калеткорак — «Тиркықэй». Ынкэмил элекин лагертэ ратваңыт ымы нымнымык: лагерь «Юный эколог» КНСОШ им. Н. И. Тавратын, «hoнничан» АНСОШ ынкъам «Заря» ПСОШ. Ымыльо нэнэнин площадкат раваңэңыт ыннэн сезон, ңыроқ неделя.

Нивқин ведущий специалист Управлениякэн гэулятгыргэн Анна Котельникова, ңотэнгииңитык Нижнеколымскакэн районэты ңэйылгъэн мынгыткэн путёвкат Краснодарский крайеты. Малявлагерэты санаториягты «Морское братство».
 Ңирэқав июник эквэтгъэт гиулетыльыт мытлыңқав — амңырооткэнальыт классльат ыннанмытлыңыргарэ Андрюшкинайпы, ңыраргарэ Колымскайпы.

Ңотэнлагерык ытри рапаңъэвңытоңыт қликкин ыннэн ылёңэт. Гэркурлин кэлитьуле тылян ынкъам путёвкат 
федеральный бюджетгыпы.

Надежда ТЫРЫЛГИНА
(Виилыгтын Алексей КУРИЛО)
«Колымская правда»