Ылёңэт Россиякэн

Ылёңэт Россиякэн

Ылёңэт Россиякэн — государственныйкэн праздник. Российскакэн Федерацияк, эмқынгииңитык нынгыйивқин мынгыткэн ңирэқав июник.

Мынгыткэн ңирэқав июник 1990 гииңитык ыннэнқав съездак вараткэн депутатыльыт РСФСР гантомгавлен Декларация государственныйкэн суверенитет РСФСР.

Ңотқэн праздник нэтэнынныңгъэн Ылёңэт декларациякэн государственныйкэн суверенитеткэн эвытлым ылёңэт независимости Россиякэн.

Қынур — ым «Ылёңэт Россиякэн» праздник нынгыйивқин 2002 гээңэтгыпы. Ынқэн «ынаннытурқин» государственныйкэн праздник мурык майңынутэк.

Ңотэнъылё Россияк майңыпраздник нынлеқин мероприятияк патриотическакэн направленият.

 

Майңыэрым Якутиякэн Айсен Николаевына инэнқитпыңыткуи нымытвальырыкы Якутияк Ылёңэтэты Россиякэн. Қитпыңыткук ытлён гивлин, иңқун мургин майңынотайңык вэты рэмкыт нытумгыльэтыркынэт. «Ымыльоморэ моргынан мытвириңыркын мургин нутэнут — Родина. Мынъотавыркын Отечество, эмқынъылёңэт ваңэёта, нымэльэв гитэк, гыйипу лыңык нэнэнэт, ынпыоравэтльат, нутэнут ыттъыёлягты. Таңвагырго мынытваркын, мынтумгыльэтыркын, мытив ынқэнагты нэвириңгъэн мургин майңынотайңын ақальэпы. Мури Россияльыморэ қырым мынынтыяатгъан майңымараквыргын.

 

Ңотэнъылё тытэңқитпыңыркынитык нымэльэв ыттъыёлягты, кынтагты, эвнэтъылкэ. Гапраздникылгав! Ылёңэт Россиякэн!»

 

Андрей Исаков

Гэйилыльэтлин Равтыңана

Фото Sakhalife.ru

Написать комментарий

четыре × 1 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ