Олрамачимҥа инэҥиҥэн

Россияла ньөөчэ биаҕан гиа дэрэмкэчэктун Олрамачимҥа инэҥиҥмэн илкэвэттэ.Эррөчин һэбдьэк 1965 анҥаниду тэгуптин.

Иҥэнь буг ҥунмирэлни бинидутэн олрамачин эҕдьэнь аимкин, һаан-дэмэр районалдула олрадук һулэк дьэбгэлдэ, олрамачиндук һөнтэ гургэтэн ачча.

Гиаванап анҥани мудандун Верховнай суд ньунчэдьин КМНСэл общиналдутан һөнтэ район төөрэҥдукун олраматтатан квотав бөөптивэн нипкэчэвутэн  элэкэн этивэн бис ньуннин Эчин ньунчэтэн Иҥэньгидэ буг
общиналдутан,олрамачимҥалду-тан һөнтэ райолдула биси төөрэлдулэ олраматтатан ааҥарин. Адьитчин оон биннэвэн иак һаадьин. Ньока төөрэҥнэн олрамачак иррөчин бисивэн „Илкэн.ру“эрэк неделяду ньөөри порталдукун таҥалда.

Дуукран А. Исаков,

тулматтан З. Степанова.

Фото Ясиа