Элеқаальатын

Элеқаальатын

Республикак қаагынрэтыльо нываңэқэнат мытлыңқликкин парол қаагынрэтхозяйстват. Қликкин ыннэнқав июлеты 2022 гээңэтэты қорагынрэтъыльыргэн мытлыңқликкин ңыроққликкин мынгыткэн қонъачыңкэн парол тысяч мытлыңқликкин ыннанмытлыңэн парол қаат, кытур гатвален мытлыңқликкин ңыроқ қликкин мынгыткэн амңырооткэн  тысяч 686 парол қаат. Отраслях нываңэқэнат ыннэн тысяч мынгытқликкин ялгытыльыт қорагынрэтыльыт, нэнанымңылявқэн Минсельхозык. 

Якутияк ныянотқэн Усть — Янский район, ивыр ынкы қликкин мынгыткэн ңыроқ парол тысяч қаат. Анабарскиек киткит мықың (қликкин мытлыңэн парол тысяч), ынқо Нижнеколымскакэнат (мынгыткэн мытлыңэн парол тысяч), Булунскийэнат ынкъам Эвено — Бытантайскиек (мынгыткэн ңырақ парол тысяч қаат эмқынрайонык), Момскиек мынгыткэн ңыроқ парол қаат. Ңотэнгииңитык гъурэтлинэт қликкин мынгыткэн қонъачыңкэн парол тысяч 997 қэюут. Деловой выход қэюукин 53,1 %.

 

Ивыр қорагынрэтыльыт нықаальатқэнат элекин қаальатынвык. Ынқэн қаальатын ратваа ңирэқ йилгын, ыннэнқав июлгыпы гамголен, қликкин мытлыңқав эвытлым қликкин мынгытқав августатагнэты. Қаат нывытатвъэюқинэт ынкъам нувтоқэнат.

 

Эрмэрыкы хозяйствак вэты вэнратгырго нылгықин радиодиспетчерскакэн связь қаабригадат рээн. Ынкэмил — ым ялгытгыргын эмқынқаабригадат ырык маршрутеквэ.

 

«2018 гээңэтгыпы вэнратынво бригадат нэнпириңэтынэт администрациягты муниципальныйкэн районэты. Ымы мынгыквыт қорагынрэтъыльыргэн ныйъилқин ыргынан. Ынңин кэлитьул нырассчитыватқэн ыттъыёлкэнайпы йъилгык гииңиткин рылгыкват қаакэн ынкъам ымыльэты ңэлвыл ңотэнкэн эвытлым элвэкин нотагты (зоне).

 

Ымыльэты ңырақ зонат қаагынрэтыльыргэн : эллықыкин (ставка 4 995 кэлитъул), элльыутчыкукин (5 545 кэлитъул), ңэй-утчыкукин (6 694 кэлитьул) ынкъам утчыкукин (8 242 кэлитьул). Себестоимость итчывитльэн ынкы, миңкы қаагынрэтгыргын аңъалеты вальын.

 

2022 гээңэтэты ымыльорыкы гэкэлилин соглашеният ыргисгу министерствота сельскийкэн хозяйствота республикакэн ынкъам администрацията муниципальныйкэн районыт тыңэвынго субвенция вэнратынго Эйгысқыкин қаагынрэтгыргын. Средстват субвенциякэн гэнңивылин администрациягты ямгарайонэты. Минсельхозык нэплыткуан нанъянръавын эймитыльылқыл субсидият, гаподписатлен соглашеният эймитыльырык рээн. Средстват субсидиякэн рэпкирңыт эймитыльырык »  — иквъи заместитель министракэн сельскийкэн хозяйствакэн Прокопий Николаев.

Антыяатка нэнтыан ымы майңыхозяйстват миңкы нынрықинэт мынгыткэн тысяч парол қаат: ынқэн ымы возмещениянт аймэтынво оборудования обработки қаанматкэн, чьэчеңоборудованият, радиостанцият.

 

Ымыльорык вэнратгыргын ныпкирқин государственныйкэн программайпы Республикакэн Саха (Якутия) «Майңатгыргын сельскийкэн хозяйства ынкъам регулированиякэн рынка сельскохозяйственныйкэн продукции, сырья ынкъам продовольствия 2020 — 2024 гээңэтэты».

 

Виилыгтын: Минсельхоз РС(Я)
Танңыйиле қырылгыгыткы пыңылтэ УлусМедиа

Гэйилыльэтлин Равтыңана

Написать комментарий

пять × 1 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ