Ымвараткэн тумгыльэткин ылёңэт
Ымвараткэн тумгыльэткин ылёңэт (lnternational Day Friendship), гантомгавлен 2011 гииңитык резолюцията Генеральныйкэн Ассамблеята ООН N 65/275, нынрыйгыйивқин эмқынгииңитык.
Ымваратык нымкықин ақагыргын гантомгавлен : ңъочыгыргын, эқу лыңгыргын оравэтльэты, тъысгыргыт чама эпидемият.
Ынқэн нъақатватқэн ымваратэты ынкъам амаравыркэгыргэты, нэнантомгавқэн ақавагыргын, майңатгыргын ыттъыёлягты варатгыргэн.
Иңқун авнатвака ынқэн вэты льук мэңқо нытомгатқэн ынқэн ымыльо. Ынқэн гаймаңэн мытрэнчимгъувңын кынмал томгыльанма, оравэтльат чымчең чимгъутэ нынъэлынэт.
Кынмал ымыльоморэ вагыргын мытрэтэйкыңын таңың…
Материалгыпы ЮНЕСКО
Гэйилыльэтлин Равтыңана
