Якутскэйгэ киэйоол Лэбиэн шоромопул Подьрхопки коренной лэбиэн шоромопкэ фотографийэк

Якутскэйгэ киэйоол Лэбиэн шоромопул Подьрхопки коренной лэбиэн шоромопкэ фотографийэк

9 лэбэйдии киндьэгэ чуму лэбиэгэ Лэбиэн коренной шоромопул Подьорхоги льэнуннуй.

 

23 йукоо подьорхо киндьэгэ 1994 ньэмолҕилгэ ООН Генеральный Ассамблеяги мони (резолюция N° 49/214),  Международный кунэль ньмолҕил айии коренной лэбиэн шоромопул оотэй 9 лэбэйдии киндьэгэ, хаин оольэл киэйоол заседаниелэк коренной шоромопул Уйсьоол группэгэ.

 

Таӊ параагэт ниӊгэй регионпэгэ, странпэгэ 9 лэбэйдии киндьэгэ оонуннуй таӊ праздникэк.

Таат льэт аай Россиягэ таат Якутиягэ.

 

Тиӊ мит подьорхопулгэ омосьэ традициялэк льэнуннуй таӊ коренной Лэбиэн шоромопул Подьорхопки аануӊа Якутия столицагэ Орджоникидзэ площадькэ.

 

Национальный обрядӊин, «Кочевье» праздниккэ, кэлул шоромопул чиччилоол обрядкэ, лослобиилгэ льэӊитэй, чэкчиль шоромопул выставкэпулгэ, фотовыставкэгэ эйрэӊитэй, сувенирпэгэлэ минӊитэм. Таа праздничный концертэк льэтэй, таат конкурс йахтэл шоромопулӊин хаин хороводкэ лоӊдаануӊи.

 

Киэйиэн  таатмиэйоон праздник оодьоодэк 2012 ньэмолҕилгэ, таӊнуги по делам народов Республики Саха (Якутия) Департаменткэ уйит оодьоодэк  Алексей Егорович Сургучев, коренной шоромопньэ уйсьоодэк Лена Степановна Иванова.

 

Тиӊ ньэмолҕилгэ ниӊгэй шоромопул таат участникпэ кэлӊитэй.

Хаин ковид льэйбэдэк, таӊ ньэмолҕилпэгэ,  «Кочевье» праздниккэлэ онлайн режимгэ аанульэлӊа: лэддэн, арктический районпэньэ телемостпэгэлэ аанульэлӊа, конкурс участникпэ титтэ уйилпэгэлэ социальный сетькэ эгэтиэнульэлӊа.

 

Таҕанэ таат КМНС Ассоциацияги киэйиэн таӊ праздниккэлэ аальэлум 1996 ньэмолҕилгэ. Организация Активки киэйиэн Ленин площадьӊин укэйльэлӊи «Сохраним природу!»  лозунг мойт.

 

Вера Серафимовна Никитина кэйлоол исторический фотографиягэ, таӊ параагэ тудэл общественный организациягэ лэддэн шоромопулгэн секретарьӊон уйисьоодэк, таӊ фотографиягэ льэӊи:

 

полк адооги, Вера Серафимовна Никитина, Людмила Антоновна Алексеева (студия «Геван» НВК «Саха»), Якутия эрпэйэн бэгинэпки Борис Ануфриевич Николаев,  вадун шурэлэшнулбэн, учёныйлэк Гаврил Николаевич Курилов, оӊоодьэ активистэк Георгий Егоров.

 

Георгий эмэйги Галина Гаврильевна Егорова лэйтэсьоолгэн, таӊ подьорхого тудэл адооги ажоон кэбэйльэл, тудин, флаг мойт, кэлдин льэнуӊи йиэн участникпэ, хондин таӊ праздникӊин, Коренной лэбиэн шоромопул Подьорхолок Якутскэйгэ.

 

Тиӊ строкпэ авторги, таӊнуги активный Ассоциация эвенков Якутии мероприятиепулгэ участникпэги, тудэ монолгэн, таӊ киэйоол Ассоциация эвенков флагпэги мойдин, тамун Иван Михайлович Атласов идеяги: » Митин кишэдин надоӊоой, мит аай тии модоойиили!» Хаин мит фотографиягэ эйут льэйили, мит аксакалгэ городской газетэгэт  журналистэпул интервьюгэлэ мэйнуульэлӊа.

 

Мьаадэччили титул 9 лэбэйдии киндьэгэ Орджоникидзе площадькэ!

 

Андрей Исаков.

Одул титэ шурэлэшум Любовь Дёмина.

Написать комментарий

четыре + два =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ