Мури — эчерикэ вагыргэты
Ңирэқ ылёңэт нымнымльэт районныйкэн центрак нэльуэн — мықыңинқэгти, нынвылтэвқин нэнэнэргин площадкат. Қуттырыкы ымы нымңылёқэн, этықон волонтёрторэ?
Мыкычьу эйгулеткэ микынти волонтёрыт, микынти дворникыльыт, нычимгъуқинэт волонтёра нынвылтэвқин яраңаргыноңқач калетъолеты. Ынқэн қырымэн ынңин. Волонтёрыт — ынқэн оравэтльат чинитчимгъутэ нынвылтэвқинэт, эвытлым нывинрэтқинэт оравэтльагты. Амынгыкватка.
Ямга волонтерскакэн движенияк ваңэёта: раоравэтльапэраңыркын — қывинрэтгъи қолеоравэтльагты. Ынқэн чемгъогыргын лыги ымыльорыкы, микынэ рэнтэңычвэнңыркынин вагыргын варатэн, томгыльанма. Мургинэт нэнэнэт нэмықай ынңин вальыт. Ыннэн лекция, тайкыё сотрудникыльа Центра социально — психологическакэн вэнратгырго ройыръыкэн ынкъам ңиныльыргин, ңиныльыргэ нэнчимгъувын рытомгавык чиниткин проект — экоакции «Мури — эчерикэ ыттъыёлягты вагыргэты!». Ынқэн ыргин ымыльэты чемгъогыргын, ңинқэе никвъэн чиниткин чемгъогыргын чама рытчык чиниткин нымным ачарэкэгты. Ыннэн лекция гэтэйкылин, нэнэнэт — ым нырэвинрэнңықинэт.
Қликкин мытлыңқав июлык ңинқэгти ңытоат акциягты. Акция гаваңэлен ңирэқ ылёңэт. Ыннэнқав ылёңэтык нэнвылтэвын нэнэнин площадкат Черскийкэнат чама ръэт қачак Молодёжный центрайпы гырголягты калеткоратагнэты. Қликкин парол тэюсгыт қомакат ику миңкри вальын ңуйңув нэгичиан нэнэнэрыкы! Вэнлыги ванэ нынвилынэт.
Қликкин амңыроотқав июлык ңинқэе нэнвылтэвын микрорайон Зелёный Мыс. Тэңқэйвэ нычимгъуйгым коргавык этықон пыннэвык, тэңнэнэнэрык нэгичиан нымкықин комакатъолтэ ипэ миңкри вальын ңуйңув, пыннэвык, колё черитқыльу равытгырык Зелёный Мысык. Рыпэт тъэр тэюсгыт гэгичилин ванэ мынрылгыан.
Акциягты гумэкэтлинэт нэнэнэт, нымытвальыт микрорайонык — Арина Винокурова, Никита Егоров, Данил Суходов ынкъам Петя Минеев. Ңинқэгти чама ныкытгынтатқэнат ярагты ңуйтэюсгықэгти нырэтқинэт, «важатыргэн» чама «лидергэн» тэюсгыт нытэлпықинэт, ңуйңув гатвален нымкықин.
Чинит ңинқэгти нивқинэт ңотэн акциягты.
Анжелика Слепцова: «Мури гачемгъочваморэ, ръэнут тэйкык ынкъам мытынтомгавын акция. Моргынан ынқэн мыттэйкыан, иңқун мургин нымным нынъэлгъэн эчерикыльин. Чама оравэтльан нычемгъоңңонат, чиниткин ңуйңув ынрултэтыркын чинит».
Анатолий Строилов: «Гуум тивыркын, ңотқэн акция колё вэты тайкыёлқыл! Ивыр ңаргынэн эчерикэ ңъэлгъи «
Артём Тыңагыргын: » Моргынан мытгичиан ңуйңув нэнэнэкин площадкак, ръэтъеквэ, чама ымы Зелёный Мысык. Гуум нывичетигым! Ийам оравэтльата ңуйңув нынинтыткуқин? Ийам нэнэнэргэ ныгичиқин ыргин ңуйңув? Ынқэн аткэвма! «
Соня Христофорова: » Акция ваңэма моргынан мытльуан, Черскиек тъэркин тэюсгыт мытгичиан, Зеленыек кытчьарат нымкықин. Нымытвальыт Зеленый Мысык, Ивкэ қынымытваркынэтык эңуйриллекэ! Этықон эвыр қыгичиркыниткы чиниткин ңуйңув. Чама ымыльорыкы тривңыркын эңуйриллекэ мынытваркын».
Антон Балдин: » Моргынан мыттэйкыан ңотқэн акция. Ынпычыльыторэ, Ивкэ қывалёмгытык мургинэт вэтгавтэ! Ивкэ эчерикыльин нымным пэнин ынңин! «
Қунэче эвго вэтгав ныпкирқин, леңчыкойпы, чимгъоеквэ нытақэн. Нэнэнэргин вэтгав авнантыяатка. Ивыр нэнэнэргин площадкан гытамо нылгықин,, Ивкэ амқыңъычо ынңин. Ылгу мынылгыркын чиниткин нутэнут, урэннутэнут.
«Колымская правда»,
Гэйилыльэтлин Равтыңана
