Якутиякэнат лыгъоравэтльат нъатчақэнат рамкыльэты

Якутиякэнат лыгъоравэтльат нъатчақэнат рамкыльэты

Лыгъоравэтльэн форум «Омакатгыргын» ратваа нымнымык Колымскак ыннэнқав числак эйңэйъйилгык 

Гапыңылтэлен корреспондентагты рылельын методист тэлеңкин культуракэн КМНС Яратомгыльатгыргэн нынныльын А. Е. Кулаковскийкэн Анастасия Куличкина, ңутку гэльуулгылинэт специалистат Яратомгыльатгыргыкэн гапредставительма Колымскакэн ынкъам эрмэт Ассоциациякэн чувчеңыт Якутиякэнат. 

 

Тэнмавыңңогъат ыннэнқавэты Северо — Восточныйкэн межрегиональныйкэн форумэты тороравэтльэн «Омакатгыргын», рамгогъа ыннэнқав — ңырақытавнэты эйңэйъйилгык нымнымык Колымскак Нижнеколымскакэн районык. 

 

Нивқин представитель Ассоциациякэн чувчеңин Якутиякэн Жанна Дьячкова, форумэты гъэйңэвлинэт эрмэт Республикакэн правительствакэнат, чама лыгъоравэтльат Лыгъоравэтльанотайпы. 

 

«Чувчеңкин ңэнъянвэн форум ратваа винрэтыльа грантата Министерствота Эйгысқыкин развитиякэн чама Авыннымытвальэн Республикакэн Саха (Якутия)«. 

 

Представительан омакатгыргыкэн комитета ыннэнқав Северо — Восточныйкэн межрегиональныйкэн форумкэн ңэнъянвэн «Омакатгыргын» Татьяна Вельвина гапыңылтэлен мурыгкорреспондентагты, ынаняноткэн чимгъутэ моргынан мытрантомгавңын Колымскак ңэнъянвэн движения. 

 

«Ңэнъянвэн совет, рытомгавъё форумплыткок, раваңэгъа рымавтэты ынкъам популяризацияно культуракэн, тэлеңкин вагыргэты, рытомгавык тортомгаттылякэн КМНС. Мытив — ым торгитэтэ тороравэтльата — ңэнъянвэн рапэляты пэнинэкин вагыргын лыгъоравэтльанотак«. 

 

Чувчеңкин вэтгав ратваа форумык тэңэвын — ым омакатынвык ратваңыт ымы қутти вараттэ Эйгысқыңэнъянвэн нымытвальыт Северо — Востокык Россияк. 

 

Татьяна гэвинрэтлин ңирэнңэнъянвык Сугланык. 

 

«Ынаныттъыёл гуум гэвинрэтигым 2019 гииңитык. Ңотэн Суглангыпы гамголен гымнин общественнакэнвагыргын, Кэтэм ынкы томгатгъэ патриотизм, ынкъам вэнратгыргын ченэтваратэты. Ынкы тычичевык, иңқун моргынан мытрэнлеңын ыттъыёлягты, гытамо мытрэгынринңын мургин тэлеңкин вагыргын«. 

 

Нымным Колымское (Чувчеңкин национальныйкэн Халарчинский наслег) ыннэн ванвык нынымытвақэнат лыгъоравэтльат Якутиякэн. Нымытвальыт 800 оравэтльат. Эрым нымнымкэн Пётр Котельников. 

 

Нымным Андрюшкино (Олеринский наслег) Нижнеколымскакэн районкэн ынкы нынымытвақэнат орвыльыт, қорэмтэльыт, нымнымык — ым Походскак Эйгысқытанңыт старожилыт, ынкэмил нымытвальыт Якутиякэн Эйгысқывараттэ. 

 

Аят САТАРОВ 

Гэйилыльэтлин Равтыңана

Написать комментарий

четырнадцать + 8 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ