Ңотэнъылё қликкин ңирэқав августак нынйингиивқин Ылёңэт Государственныйкэн левалытконаң Российскакэн Федерациякэн
Қликқав августак 1994 гииңитык президентальын Россиякэн Борис Ельцинына кэлинин указ «Ылёңэт Государственныйкэн левалытконаңкэн Российскакэн Федерациякэн», нынрыйгыйивқин Ылёңэт левалытконакэн қликкин ңирэқав августак, рыпалқынтавъё пэнинэмил левалытконаң Россиякэн тэңынкэмич августакэн событиян 1991 гииңиткин.
Официально ңотэн праздник гэнрынгыйивлин Государственныйкэн левалытконаң РСФСР ыннэнқав ноября 1991 гииңитык.
Гэтэңқитпыңыткулин Ылёңэтэты государственныйкэн левалытконаң Россиякэн Эрым Якутиякэн Айсен Николаев гивлин, иңқун Якутията амқынъычо энмэс ңырақ векыт нывинрэтқин омрыльатгырго Российскакэн государствагты.
Мургин республика — форпосто нитқин томгаттыляно Эйгысқыныкъээкин страны, янотыльын экономическакэн майңатгыргык қырымэн ытръэч Дальний Востокык, ымыльэты Россияк.
«Тэңқэйгипэ, ымыльоморэ рымавтэты мытраваңэркын таңвагыргэты ыттъыёлягты. Гаылёңэнма Государственныйкэн левалытконаң Россиякэн!»
Гэйилыльэтлин Равтыңана
