Қръачетран ымыльыройыръэты

Қръачетран ымыльыройыръэты

Галяльын паңъэвңытоылёк Черскиек қръачеткомплексак «Ритм» гатвален ройыръыкэнат қръачетгыргын «Атэ, ымма, гуум — қръачетройыръын».

 

 

Гақръачетленат ңэръамытлыңэн ройыръыт. Қръачетгыргын галяэ гэчевкы чама коргэты.

 

 

Ганымгоңатлен қръачетгыргын специалистата отделкэн тороравэтльэн политикакэн Юрий Талаповына ынкъам председатель районкэн Советкэн депутатльэн Сергей Мильман.

 

 

Гэчевкы нъэлгъэт лыгэн эвыр моогъэ ыттъыёлкэн этап, тренера Анатолий Ковальчукына рыкалыровнэн ымыльорыкы разминкан. Кычгынтатгыргын, чейвыльатгыргын, галгалейвыльатгыргын чама пэңкочетгыргын.

 

 

Программак гантомгавлен қръачетгыргык, нуусвэтқинэт ымыльоргарэ ройыръын эвытлым эмрынгиитэ.

Қръаченма гэвинрэтлинэт ымы қутти рэмкыт, эмыннэнъюну эвытлым ымыльэты команда. 

 

 

Қръачетгыргын гатвален час парол, гэчевкы гатваленат ымыльо уусвыльыт ымы винрэтыльыт.

 

 

Янотгъэ ройыръын Дизовынтэ, ңирэқав — Варфоломеевынтэ, ңыроқав ройыръын Слепцовынтэ. Янотыльырыкы ңэйылгъэн грамотат чама кэлитъулкин сертификатыт мынгыткэн ңырақ тысяч, мынгыткэн ыннэн тысяч ынкъам мынгыткэн тысяч. Қутырык ройыръык нэймитынэт кэлитьулкин сертификатыт ңыроқ тысяч.

 

 

Қръачетгыргын гэнрынгыйивлин Ройыръыкин гээңэтэты Нижнеколымскак районык чама Левалыткоылёгты Россияк.

 

Алексей КУРИЛО. (Виилыгтын ынин)

Гэйилыльэтлин Равтыңана

 

 

Написать комментарий

4 − три =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ