Ивкэ умэкэтык, иңқун амқынъычо льуулгык

Ивкэ умэкэтык, иңқун амқынъычо льуулгык

Омаканма ыннэнқав Эйгысқыныкъээкин ымвараткэн торъоравэтльэн форумык «Омакатгыргын» нымнымык Колымскак ганкалыровлен научно — практическакэн конференция чинитваратйиле.

 

Торъоравэтльарык нэтэйкынэт чиниткинэт докладтэ: чувчеңйиле, қорэмтэйиле, орвыйиле, гапыңылтэленат миңкри нытвақэнат праздникыт, вагыргын, чиниткинэт чимгъут ыттъыёлягты ынкъам проблемат.

 

 

Феодосия Мохнаткина ынанамынан лыги нинэлгықин орвыльэн йилиил нымнымык, ытръэч — ым микынэ рээн вэтгавкы чинитйиле, ыттъыёлягты нивқин гаймаңэн ымы чинит трантыяанңын йилиил.

 

 

Студент Кирилл Кауля гадокладытколен пыңылтэлгъэ, миңкри нытвақэн «Элльырэмкықай» («Тундровичок»), вэймэнвараткэн калеткорак.

 

 

Татьяна Вэлвына нэмықай пыңылтэлгъэ докладык чувчеңйиле миңкэмил ныйгулетқинэт кэлиткульыт калеткорак, нынкалыровқэнат чиниткинэт ваңэёт, ныетқинэт эпэқэйынти, апайңынтэ нывэтгавқэнат чинитйиле.

 

Делегатыльыт Среднеколымскакэнат нэмықай нантэнмавынат докладтэ қорэмтэйиле.

 

 

Евгения Заманова, инэныйгулевыльын Берёзовскакэн ымвараткэн калеткоракэн гапыңылтэлен, миңкри авнантыяатка чиниткин йилиил ; эвыр мури авэтгавка мытриты, ымы нэнэнэрыкы нарантыяанңын ытльаргэн йилиил, нарантыяанңын чиниткин культуран. Ынкэмил рыйгулевкы кэлиткульыт рылгык чиниткинэт докладтэ эвнэ экэвкиткэ, иупэткэ, эқэлиңэткэ вэтгавык мыгъоравэтльагты.

 

Октябрина Новосельцева, инэнлельын Среднеколымскакэн группакэн, иквъи иңқун гаймаңэн гэтэйкылин ынңин вальын омакатгыргын, гакоргавлен нэнэнэрыкы Колымскак авнантыяатка нынтықин чиниткин йилиил, тэлеңкин вагыргын.

 

Ынкэмил иквъи, ивкэ нытумгыльэтыркынэт торъоравэтльат Эйгысқывараткэнат ; қорэмтэльыт, чувчеңыт, орвыльыт, долганыльыт. Ивкэ умэкэтык ыттъыёлягты таңвагырго рытчык Экулымэвагыргын, авнантыяатка тэлеңкин вагыргын чиниткин вараткэн!

 

 

Жанна Дьячкова гивлин ыттъыёлягты форматык онлайн рытомгавык майңыконференциян румэкэвык Колымскавытгыр районтэ, иңқун анъяк оравэтльат лыги лыңыльыт чиниткин йилиил.

 

Среднеколымскакэн делегатырыкы вэтгаво гэлгылин рымайңавынго культурныйкэн ынкъам қръачеткэн блок. Чама винрэтыльа форумык нырантомгавңықэнат аудиосборникыт галыги лыңъёт оравытльарыкы йилиил, иңқун авнантыяатка чама ымыльорыкы лыги ынытчыркынэт вэтгавтэ чиниткин йиле.

 

Галина ВЫРДЫЛИНА
(Виилыгтын ынин)
«Колымская правда»

Гэйилыльэтлин Равтыңана

Написать комментарий

три − два =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ