Оралчимҥал одьиру иһимэк

Ирэлду оралчимҥач гургэвчичэл куҥалду МУП „Себян“ тамаҥгатан дьавуканни. Куҥал тачин оралчимҥалду һооч бэллөттэ. Тээрингич-тэ  мээнэтэкэлдутэн ай тачин гургэвчириритэн. Куҥал орлчимҥа гургэвэн һаамулкур,оралбу-да һаалра, төөру һаалра, эҥигэвур умивра. Дөөмҥэ бэю  гиакив һаалдан аит таткаттан. Дөөмҥэду оралньун исучэ куҥал, орам айаври, мулаани ооватта, мэргэч-тэ, абгар-да. Ҥи-вут -тэ иһимэк эгдэлбури-дьур ормут һойалтадавур мандуччир, текэрэп оралчимҥалбу һиракчир. Нонан иаракан-да һупкуттэкэтэн ай бимчэ, ноҥардукутан ветеринарал, зоотехникал нөөдэтэн. Тачин мут куҥалдур дьулиткэлдэ.

Зоя СТЕПАНОВА