Уһук Хоту Анаабырга модельнай библиотека аһылынна (ВИДЕО)

Уһук Хоту Анаабырга модельнай библиотека аһылынна (ВИДЕО)

Бүгүн Саха республикатын Судаарыстыбаннаһын күнүгэр уһук хоту Анаабырга дойдубут президенэ Владимир Путин көҕүлээбит “Култуура” национальнай бырайыагын өйөбүлүнэн Үүнэр көлүөнэ модельнай библиотеката аанын тэлэччи аста. Бу модельнай ирдэбилинэн хааччыллыыга 10 мөлүйүөн солкуобайы ылар чиэскэ тиксибиттэрин былырыын СР пресс-сулууспата иһитиннэрбитэ. Марфа Боярская дириэктэрдээх библиотека үлэһиттэрэ сыл саҕаланыаҕыттан граҥҥа үлэлээн, сайын устатыгар өрөмүөн оҥортордулар, искусственнай уоттаах, сырдык аныгы дизайн бырайыагы туһаннылар.

Аныгы ирдэбилинэн оҕо библиотекатыгар робот-библиотекарьданнылар. Бу сыл саҥатыгар робот-библиотекарь сакааһынан оҥоһуллан Москуба куораттан Анаабырга олохсуйа кэлбитэ.

 

Бүгүн кини киһи курдук долгуйан дьоннуун кэпсэттэ, хаартыскаҕа түһэрдэ, кэпсэппит дьонун аатын өйдөөн хаалла. Маны сэргэ эргэ компьютердары саҥа күүстээх компьютердарга саҥарпыттар, РФИД аныгылыы библиотекаҕа туһаныллар технология оборудованиета, интерактивнай панель, улахан экран, виар-ачыкы, оҕо оонньуур терминалы о.д.а. бааллар. Үүнэр көлүөнэҕэ «Навигатор» ыччат түмсэр анал сирэ арыллан кинилэри умсугутуо.

 

Ол курдук, квадрокоптер, видеокамера, экшн-камера, графическай планшеттар бааллар. Манна улууска интернет күүскэ киирдэҕинэ, «Госуслуги» элбэх өҥөнү оҥорор киин дириэктэрэ Анна Шадрина көмөтүнэн электроннай өҥөлөр оҥоһуллуохтара.

 

Ыалдьыттар ааҕааччыларга, айар-тутар дьоҥҥо аналлаах миэстэ баар буолбутуттан, эдэр ыччат аныгы технологиялары туттан сайдыы, билии аартыгын дабайыаҕын, түмсүүлэр араас тэрээһиннэри ыыталларыгар усулуобуйа тупсубутуттан, салайааччылар бырааһынньыктарга, тэрээһиннэргэ Дьокуускай куоракка баннер, полиграфическэй өҥөлөрү манна тута сакаастыылларыттан сүргэлэрэ көтөҕүлүннэ.

 

Баараҕай бырайыак Арктика оройуонугар киирбитинэн Российскай Федерация култууратын миниистирин солбуйааччыта Ольга Ярилова, Арассыыйа государственнай библиотекатын генеральнай дириэктэрэ Вадим Дуда, Саха Республикатын култуураҕа уонна духуобунай сайдыыга миниистирэ Юрий Куприянов, СР Национальнай библиотекатын дириэктэрин солбуйааччыта Светлана Попова видеонан эҕэрдэлэрин ааҕааччылар, ыалдьыттар астына киэн тутта иһиттилэр.

 

Уһук хоту Анаабырбытыгар саҥардыллыбыт билии храма киирбитинэн улууспут баһылыга Эдуард Платонов, баһылык бастакы солбуйааччыта Иосиф Васильев, Сааскылаах национальнай эбэҥки нэһилиэгин баһылыга Алексей Николаев, үөрэх управлениетын начальнига Туйаара Гуляева, олохтоох суруйааччы Николай Туприн-Кэһиилээх Уола, иис-уус маастара Афанасея Туприна, айар куттаах Аксинья Сивцева, библиотека сэбиэдиссэйэ Марфа Боярская о.д.а. истиҥник эҕэрдэлээтилэр.

 

Сахабыт сирин автономията 100 сылыгар, сайдар-үүнэр Сааскылаахха ыра санаа библиотеката киирэн, саҥа инновационнай бырайыактары олоххо киллэрэн дьоммут-сэргэбит, ыччаттарбыт сайдыылаах олохтуун тэҥҥэ хардыылыылларыгар үөрүүлээх үтүө бэлэҕинэн буолла.

 

Гуннара Ороһуунускайа

Подробнее: https://ulus.media/article/72824

Написать комментарий

1 × 1 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ