Һаҕдылбу эскэдьэк

Һаҕдыл абыганилдур,упээниллдур, һупкучимҥэлдур гиа класс һупкуттилни һупкучимҥэньумур Эскэн ичукэнэку оора. Көчукэн куҥакакар икээлбур, донтуралбур, көплэчилбу аанир һааҕдылду. Куҥал упэнилбур, абыганилбур дугулитэн стенгазетав ньөвчэл.

Тала укчэнчэл бинивутэн, һиньаалбутан (фотолбу) һоручал. Һаҕдыл, өрэҥчиникэн, һэрвиҥтэникэн, куҥакарбу долчир, көйэттэ. Тачин булиһита миавалкан исудэтэн һупкучимҥэтэн Сардаана Ильинична Старкова һупкуттэн, һидутэн куҥалбу. Мут, көйэччэ куҥал упэнилтэн эгдьэн тэкэмур исурап ноҥартакитан. Дьулэски-дэ тачимур аит гургэвчиддэтэн!

Гиа класс һупкучимҥэн Сардана Ильинична

З.А. Степанова дукран