Лыгъоравэтльанотак қорагынрэтыльэн қаат нэквэтқинэт ылвылю рээн

Лыгъоравэтльанотак қорагынрэтыльэн қаат нэквэтқинэт ылвылю рээн

Лыгъоравэтльанотак ныгаляқэнат ылвылют, нэкэм Билибинскакэн чама Анадырскакэн районык, ныпыңылтэлқэн сайт Gismeteo.

Ымыльэты ылвылю ңэлвыл нивқинэт мытлыңқликкин қымэк мынгытқликкин тысяч парол қаат. Ыннанмытлыңқликкинкин ылвылю ңэлвыл нэвиигаляқэн сельскохозяйствакэн предприятияк «Чаунское», ылвылю рээн қымэк эквэтгъэт яракэнат қаат.

 

Вэтгавыльыт экспортат, ынңин вальын вагыргын нинэнмықычвэтқин қаат қаагынрэтыльэн, эвыръым ныяалятқэнат гаылвылюма рээн тысяч парол ярагыннэкыт.

 

Ылвылю ңэлвыльык яалеңқач ныяалятқэнат игыт ымы қутти гынникыт, пэнрыткольыт ңалвыльэты, чама — ым инэнлетэтыльыт тъысгыргыт.

 

Гынрыру лыңыльэ ылвылю тылельыт, регионыльа нырэйминңықинэт спутникальыт ошейниктэ ынкъам нырайпанңықэнат оптытъар ылвылю қаагты.

Гынрыру лыңык қаагынрэтгыргын эмқын районык нынтомгавқэн оперштабтэ.

 

Гэйилыльэтлин Равтыңана

Написать комментарий

девятнадцать + 19 =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ