Дьэлиҥдэҕэ бырамыысыланнас үлэтинэн уопсастыбаннай иһитиннэрии буолла

Дьэлиҥдэҕэ бырамыысыланнас үлэтинэн уопсастыбаннай иһитиннэрии буолла

Ааспыт нэдиэлэҕэ Дьэлиҥдэ нэһилиэгэр 12 киһилээх делегация кэлэн олохтоохтору кытта көрсөн улахан мунньах ыытан барда.

Ол курдук, сэтинньи 24 күнүгэр Анаабыр Алмаастара аhаҕас акционернай хампаанньа салалтата, ол эбэтэр генеральнай дириэктэрэ Павел Маринычев, бу тэрилтэ5э экологическай хонтуруол отделын начальнига Саргылаана Лукина, ООО «Агротехнологии Севера» генеральнай дириэктэрэ Мария Гренадерова, оройуон салайааччылара баhылык Лена Иванова, баhылык бастакы солбуйааччыта Иван Саввинов уонна да атын тустаах үлэһиттэр Дьэлиҥдэ олохтоохторун кытта көрсөн бардылар.

Мунньах саҕаланыытыгар Павел Алексеевич Өлөөн оройуонун территориятыгар үлэлии турар учаастактарга 2022 сылга туох үлэ ыытыллыбытын уонна өссө туох тустаах үлэ барыахтааҕын туhунан иhитиннэрии оҥордо.

Саамай улахан боппуруос — Дьэлиҥдэ национальнай нэhилиэгин территориятыгар лицензиялаах учаастактарга, ол эбэтэр «Кумах-Үрэх» уонна «Балаҕаннаах» үрэхтэргэ — экология өттүнэн дьайыыта буолар.

Нэhилиэк олохтоохторо туhааннаах боппуруостарын этиннилэр. Ол курдук, сүрүн боппуруостарынан кэнники сылларга өрүс уута киттийбит буолан иhэр ууну нэһилиэнньэ үрэхтэн баhан хааччынан олороро. Онон сибээстээн, олохтоохтор ууну ыраастыыр станция туруорсаллар. Бу боппуруос кэлэр сылга быhаарыллар тоҕоостонно.

Салгыы, тустаах тиэхиникэ суоҕа үлэҕэ атахтыырын, суол оҥорооһунун уонна хаарбах дьиэлэртэн дьону көһөрүү бырагыраамматынан толору хааччыллыылаах дьиэлэри тутуу туһунан боппуруостар ырыттыллан Павел Алексеевич салгыы көмө үлэтэ барарын туһунан эппиэтин хоруйдаан эрэннэрдэ. Даҕатан эттэххэ, нэһилиэккэ 2025 сылга диэри иккилии, түөртүү кыбартыралаах хаарбах туруктаах 30 дьиэ көтүллүөхтээх, ол онтон билиҥҥи туругунан уонча элбэх квартиралаах дьиэ санардылынна.

Мунньахха кэлэр көлүөнэни патриотическай тыыҥҥа иитиигэ анаан, ону тэҥэ эбэҥки култууратын, тылын үөрэтиигэ, сайыннарыыга аналлаах, учуутал Марианна Павлова көҕүлээhининэн, орто оскуола иhинэн студия арыйарга бырайыак оҥоһуллубутун туhунан билиhиннэрдэ, ол эрээри тэрээhинигэр сөптөөх тэрил суоҕун туһунан кэпсээбитин, быhа гыммакка тутатына оройуон дьаhалтатын кытта бииргэ кеме онороллорун биллэрдилэр.

Ааспыт сыл ыытыллыбыт выездной үөрэхтээhин практиката кэлэр сыл эмиэ кулун тутар ыйтан түөрт нэhилиэк эдэр ыччатын хабан үөрэтии салганар буолла.

Павел Маринычев туруоруллубут боппуруостарга судургу эппиэттэри биэртэлээн, Дьэлиҥдэ инники сайдыытыгар өссө да күүс-көмө буоларын ыйда уонна ыччат үлэннэн хааччыллыытыгар уонна нэhилиэги тупсарыы үлэлэригэр шефскэй көмө оҥорууга бэлэмин тоhоҕолоон эппитин олохтоохтор сэргии иһиттилэр.

Еще больше новостей в телеграм-канале Ulusmedia
Подробнее: https://xn--80aaaaaqemr0d4akx.xn--p1ai/article/80735

«Сардаҥа» хаһыат, Өлөөн улууһа

Написать комментарий

тринадцать − девять =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ