Дыгин мяр некичэм марив (Сорок уток одним выстрелом)

Смешные и невероятные рассказы Анатолия Степанова — Ламутского

(Во время утиной охоты я добыл мало уток. Я плыл на лодке по реке в поисках добычи. Возвращаясь на стоянку впереди себя увидел стаю уток. Но у меня остался один патрон. Я тихонько подплыл к отдыхающей стае, выстрели перед стаей, дробинки накрыли стаю. Завел мотор и врезался лодкой в стаю, заглушил мотор, выхватил весло и начал им размахивать. Какую утку на лету бил, какую на воде добивал. От стаи мало уток улетели. Таким образом я больше сорока уток добыл).

Өмнэкэн некимиднэрив. Тɵӈэрлэ долбу чуптурэ тэгэттиди ɵмэм-дэ некичэм  эчу бакра, теми бадикар некичэрбу окатла гэлэтнэрив.

Момили эедникэн ɵйдэлив дэгэдди некичэрбу пэктуририв. Некичэр-гу дырам эртэркэл, нюралбу-гу кэнелил биситэн. Абылу некичэм марив. Тадук ɵмэн-тэкэн нюрулкан эмэптив.

Тикулриди илачактакий мучуддив. Дялу тэндун ачча бисин. Чонидникан момилай тэгэтникэн кɵерэм – дюлдэлэв якавут-та букчанни ичулрэн. Таррочин букчан элэ ачча биннэн. Ясали килтэрэвкэнэм букчан эсни бэриптэ. Аич кɵеттэм букчаӈу эендиддэн. Олулдарам нян асукат момий амаски мучувканам. Би нестув мотору хиврэн.

Моми букчаннюн дагамадда. Букчан дали очалан унурам – букчан битлэдун некичэр кэвуӈчир. Өмэн хэсэн эчэккэн тэгэттэ. Амарла таӈраку тунӈан мярли некичэн биситэн.

Энтэкэе тикулрив – нуӈи урэчин нюрий эйдувэн няниндула тинчэ бисэм. Мэни дяргаддив.

Хэсэн дэрэмкэттин. Мэр мэртэки кадаттиди некичэр хуклэддитэн.

Би эгден дялалкай бисий унурив. Тар-да бими ɵмэн нюриди этэнди хояв мар. Өмнэкэн пэкутрэми ɵмэм-гу, эгдетэлми дёрбу-гу, илам-гу некичэм мадинни. Мин битлэдуку хɵнтэ бэй тачин-да некимчи. Би-ка эсэм таррочин бэй бис. Он нектэй мэргэчилрив.

Букчан минтэки эмэддэн, теми хэсэн дали одан алаттам, энтукун уливуддам. Пэктэрэми ɵгэррэм, дыгингидэ униками мотору тилкури кнопкала дявуттам.

Хэсэн дали очалан некичэр дюлдэлэтэн мɵлэ пэктурэнэм. Хукэлбу мɵлэ надыди хэсэм дасритан. Би-ка мотору тилкуриди хэсэн дулакандулан ирэм нян уливум наӈтысниди дыгингидэтки – ангидатки давсарам. Ирэк некичэм дэгэддэкэн маваттам, гяв мɵлэ еттэм. Абыл некичэр дэриснитэн.

Хэттэм. Мача некичэрбу чакалнарам. Гору окатла некичэрбу гэлэттив. Эйдувэтэн чакчалав моми долан экэч гиркари один.

Тачин би ɵмэн нюрич дыгин мярдук хулэк некичэрбу бакрив.

Тачин бивэттэн, эгден дялалкан, эӈи несэлкэн бисэкэс.

Миннюн эди налдаматта. Бэйди тачин буюсли.