Мунрукан (Заяц) (эвенская проза)

Смешные и невероятные рассказы Анатолия Степанова-Ламутского

(У зайца спрашивают, почему он толстый. В ответ он говорит, чтобы стать сильным он много ел. Когда он станет сильным то все его будут бояться. Ему объясняют, каким бы он не стал большим его сердце все равно останется таким же трусливым. А его сила в ногах, он быстро бегает).

— Мунрукан, мунрукан, идук эмэдэнри?

— Тарак хиги додукун тутэддэм.

— Ями тутэдинри?

— Хуличан дебдэй хэлуттэкэн.

— Ями ноӈан хину дебэмсэн?

— Бэргэ бисику.

— Ями тарбич бэргэрис?

— Эгден одай хояв дептив.

— Ями эгден омсинри?

— Ӈи мину ӈэлукэвэттэн-дэ, таралбу эйдувэтэн кусидэй.

— Мунрукар титэрэптук кɵчукэр кэсни. Хояв-да, абылу-да дебли, он-да некли, хи ок-та этэнди эгден од.

— Ями-ка бэил хояв дебми эгдер оватта?!

— Идук тарав хи ханди?

— Өмнэкэн бэил укчэнмэттивутэн долдарив. Өмэн аси хутий дебɵкэтникэн: «Хояв дебли эгден одай, батыр одай», гɵнин.

— Тачин бэил кɵчукэр хутилдур дебдɵтэн тɵрэвэттэ. Хи-ка эсэнди бэй бис.

— Би-дэ эгден омсам.

— Эгден одакас мявунси тачин-да кɵчукэн, ӈэлэтэ бидин.

— Этэн. Эгден одаку, эӈилкэн бисэку мявму-да эгден, эч ӈэлрэ один.

— Алатли, эди хопчакир. Мявунси пэтэлэнни горинук исни. Хи он-да эгден одакас мявунси этэн исур, таррочин-да ӈэлэтэч эмэбдин. Хин эӈис бɵдэллэс. Теми тутэлэн бисинди. Эдук дюлэски хояв дептэкэс хину «пэстэнде» гɵникэн дяргадир нян ӈивул, ями-да хину дебдин. Тек хэтэкэли, би гɵнчэву унули, эрэгэр дёӈчили.