Қаанматгыргын Лыгъоравэтльанотак

Қаанматгыргын Лыгъоравэтльанотак

Сельхозпредприятияльыт ЧАО нантэнмавын 717 тысяч парол қоратакэсгын.

Гэплыткулин қаанматкампаниян окружнойкэн департамент сельскийкэн хозяйства чама продовольствия. 2022 гииңитык гақаанматлен 8,2 тысяч парол қаат. Тэкисгын гэюнрылин янор калеткорагты, кынъёрагты чама малявучреждениягты ынқо рэпинтықэчгъэ вэлевсетык регионык гапыңылтэлен ИА «Чукотка» / Данил Черкалин.

 

Мыкычьыкин тэкисгын гантэнмавлен гытгак, сентябргэпы декабрьтагнэты. Данныйгэпы депсельхоза, ынкэмич предприятията округкэн гэтэйкыан план 83 %. Кытур нантэнмавын 717, 5 тонн қоратэкисгын, мыкың кытургыпы.

 

Мыкычьу тэкисгын ганқаанматлен высокотехнологическиек қаанматпунктак. Ынангырголкэн показатель пункта «94-й километр» городскойкэн округкэн Эгвекинотык, миңкы гақаанматленат ңирэқ тысяч 350 қаат сельхозпредприятия «Амгуэма» ыннэн тысяч мытлыңқликкин левыт СХП «Возрождение». Қаақын 739 гынникыт предприятиякэн «Чаунское» гақаанматленат «Паляваамык» городскойкэн округык Певек. Ваңэплыкоат ноябрык. «Қаақын мынгыткэн ыннэн хозяйствак гантэнмавлен тэкисгын перевалочный базак чама нымнымык. Кытур гантэнмавлен тэкисгын 4,1 тысяч парол Эйгысқықаат. Гэплыткулинэт қаанматык декабрык, қутырык хозяйстварык нанрымэнат қаанматгыргын январь йъэлгэты.

 

Ңотэнъйилгык наранқаанмыңынат 400 қаат» — гивлинэт окружнойкэн департаментак сельский хозяйствак чама продовольствия. Ивыр окружнойкэн департаментак сельский хозяйствак чама продовольствия нынтомгавқэн производственныйкэн задание 2023 гээңэтэты. Вальылқыл қаанматгыргыкэн кампании вэтгаво нэрэлгыңын омакатгыргык қликкин ңыроқав январык.

 

prochukotku. ru

Гэйилыльэтлин Равтыңана

Написать комментарий

семнадцать + шестнадцать =

  • һ
  • ө
  • ҕ
  • ү
  • ҥ
  • ӫ
  • w
  • ӧ
  • ӄ
  • ԓ
  • ӈ
  • ʼ